2022-2023

Iniciamos o mes da ciencia coa visita dos científicos Amparo e Suso do Museo Científico de Gondomar. Viñeron a ensinarnos ciencia relacionada co noso proxecto deste curso: o cine.

Experimentamos observando as primeiras imaxes en movemento da historia do cine (zoótropo) e as imaxes do futuro (hologramas).

Aprendemos o que son as luces estroboscópicas, xogamos coas sombras de cores e para rematar convertémonos en ciéntificos comprobando cun disco de Newton que a luz branca está formada polas sete cores do arco da vella.

Quen sabe se hai algún futuro científico entre as nenas e nenos de Rebordáns!

Non volo perdades!

Premede na imaxe.

 E no noso recuncho de lectura do corredor, podedes botar un ollo a nosa exposición de libros de ciencia.

O luns 24 de outubro festexamos o Día das Bibliotecas resolvendo uns retos que apareceron no noso cole. E como somos uns fantásticos investigadores, despois dunha gran tarefa, conseguimos superalos todos!

Averiguamos que o tema do noso proxecto de centro para este curso será o cine, e descubrimos que o nome elexido para a biblioteca é a Tepoteca.

Ademais Tepo e Tepa tíñannos unha sorpresa final. Unha vez resoltas todas as probas, apareceron uns cofres. Averiguamos a contrasinal e abrimos o cadeado. No seu interior había entradas para acudir ao cine a Vigo.

Foi unha mañá moi especial e esperamos máis sorpresas!

Estade atent@s!

Xa está aquí o primeiro programa de radio do curso!

As nosas alumnas e alumnos de sexto foron os encargados de inauguralo. E fixéronno estupedamente!

Premede na imaxe para escoitalos.

Comezamos un novo curso e Tepo e Tepa están moi ilusionados. 

Despois destes últimos anos sen poder achegarnos, abrazarnos e con máscaras... por fin poderemos voltar a xogar, investigar e descubrir xunt@s coma faciamos antes.

Este curso na biblioteca, eles terán preparadas novas aventuras para festexalo. 

Estade moi atentos e atentas...

Desexámosvos boas lecturas no cole e na casa!

¡Benvid@s ao curso 2022 - 2023!