Fondo solidario de Libros de Texto e Axudas para o libros de texto e material Escolar

ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros

de texto e material escolar destinadas ao alumnado matriculado en educación primaria, educación secundaria obrigatoria e educación especial

en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H).

(DOG nº 96, do 20 de maio).

Alumnado ao que vai dirixido                                                                                                                                                                                        

 No que atinxe ao noso centro, o procedemento administrativo ED330B comprende:

a) A participación no fondo solidario de libros de texto do alumnado matriculado en 3º e 4º de Primaria. Nestes cursos manteranse os libros de texto do curso escolar 2023/24.

b) A convocatoria de axudas para adquirir libros de texto destinadas ao alumnado ma­triculado en 1º e 2º de EP e en educación especial (en diante, EE), así como as axudas que pode recibir o alumnado incluído nas disposicións adicionais primeira e segunda da orde.

c) A convocatoria de axudas para adquirir material escolar destinadas ao alumnado matriculado en Educación Primaria.

O alumnado matriculado nos centros e cursos incluídos no proxecto educación dixital (E-Dixgal) no curso 2024/25 está excluído da participación no fondo solidario de libros de texto e das axudas para adquirir libros de texto. Non obstante, terá dereito á axuda para adquirir material escolar, así como ás establecidas nas disposicións adicionais primeira e segunda, se reúne os requisitos establecidos nesta orde.

Presentación de solicitudes                                                                                                                                                                                             

- Preferiblemente, por vía electrónica, empregando calquera dos mecanismos de identificación e sinatura admitidos pola sede electrónica, incluído o sistema de usuario e Chave 365.

- Opcionalmente, de xeito presencial no centro (de 09:30 a 13:30 horas) ou en calquera dos lugares e rexistros establecidos na normativa reguladora do procedemento administrativo común.

As solicitudes están dispoñibles en:

• https://sede.xunta.gal

• https://www.edu.xunta.gal/fondo libros

O 17 de maio celébrase o día das letras galegas porque coincide coa data da publicación de Cantares Gallegos de Rosalía de Castro.

 Este ano a homenaxeada é Luisa Villalta.

 No cole, para celebralo, fixemos un festival onde recitamos diversos poemas da escritora a través dos nosos murmuradores de poemas. Tamén bailamos muiñeira e un baile clásico cun poema de Luisa Villalta de fondo. Finalizamos a celebración coa actuación do coro EnCanto interpretando o himno galego. Ademais todo o alumnado recibio unha chapa da nova mascota das Ondas do Cruciero.

Aquí vos deixamos o acceso ao libro dixital dos textos gañadores do XI Certame "Inventa unha flor" organizado todos os anos pola asociación do barrio de Canido "Muíño do vento"

O día 15 de marzo Anabel, Bri e Luis visitaron o CEP de Carreira ao abeiro do programa educativo Observa_Acción. Nesta xornada puidemos ver como a coordinación de todo o claustro e a súa implicación permiten o ensino das ciencias implicando aos 50 alumnos que asisten a este centro. Tamén asistimos a unha sesión de Arts no que empregaron e-textiles para iluminar un debuxo. Ademáis tivemos tempo para comprobar como se organizan as mestras de 1º e 2º para dar de forma conxunta unha sesión de lingua castelá. Por último tivemos unha reunión post-observación na que analizamos os distintos contextos de aprendizaxe que os nosos centros debemos afrontar así como as oportunidades e debilidades que estes traen consigo.

Durante este curso participamos no programa educativo Observa_Acción. Este programa educativo promove a observación entre docentes como método de aprendizaxe e de innovación docente. Ao abeiro deste programa, o día 29 de febreiro recibimos a visita do CEP de Carreira, quen puideron observar como algunhas das nosas mestras impartiron matemáticas, educación artística, inglés ou lingua castelá. A xornada finalizou cunha reunión post-observación na que compartimos experiencias e resolvimos dúbidas.

Hoxe o alumnado de 1° ciclo (primeiro e segundo) e 3° ciclo (quinto e sexto) de primaria foi ao festival do Correlingua en Narón. Primeiro gozaron co concerto da banda "A Gramola Gominola" e logo realizaron unha pequena andaina. Gozaron moito da saída!

Os maios chegaron a Canido e ao noso cole!

Todos os nenos e nenas foron partícipes da creación destes preciosos maios que fixeron lucir o centro. Podedes ver tanto o proceso como o resultado final clicando a continuación:

A semana pasada un pequeno grupo de alumnos e alumnas de Polonia visitou o noso colexio e os nenos e nenas de quinto estiveron ensinándolle parte da nosa cultura a través de diversas actividades como o Camiño Inglés ou a visita a Santiago de Compostela. Aquí vos deixamos uns recordos desta marabillosa experiencia.

Damos comezo á Semana do Libro e que mellor maneira que recibindo na biblioteca un agasallo moi especial: un exemplar do libro escrito polo noso alumno Xaime de 6* primaria.

Xaime acaba de publicar “O val dos seres mitolóxicos” e quixo que formase parte do noso fondo de libros, adicando e asinando este exemplar para que todo o alumnado e profesorado do CEIP Cruceiro de Canido poida desfrutalo.

Dende o Equipo de biblioteca e o colexio, queremos darlle as grazas a Xaime pola súa aportación, así como achegarlle os nosos parabéns por esta nova andaina no mundo da escritura.

Que orgullo para o noso cole e aínda máis para a nosa biblioteca.

FELIZ SEMANA DO LIBRO!!

O Equipo de biblioteca.