Infantil
Os nenos e nenas de Infantil coñecen as Galiñas de Mos
Enviado por Anónimo o Xov, 18/01/2024 - 17:11Onte a Asociación de avicultores da raza Galiña de Mos tróuxonos ovos das súas galiñas e explicáronnos todo o proceso da incubación e o nacemento.
Agora están nunha incubadora no ambiente de ciencias de Educación Infantil e dentro de aproximadamente 21 días, o alumnado poderá observar como nacen.
Estamos desexando ver como avanza a situación.
Período de adaptación (3 anos)
Enviado por mvpineiro o Xov, 29/06/2023 - 22:45*As listaxes cos grupos e horarios publicaranse no mes de setembro
Mensaxe ás novas familias de Infantil
Enviado por mvpineiro o Dom, 18/06/2023 - 23:25
Dende o equipo de infantil queremos dar al GRAZAS a todas as familias e nenos e nenas que nos acompañaron nos recreos ao longo desta semana. Foi un auténtico pracer compartir xogos e momentos xuntos/as. Agora, só toca agardar a setembro e, como recollemos nas flores... "de súpeto é hora de comezar e confiar na maxia".
Benvidos/as ao Cruceiro!
Instalación sensorial Reciclaxe
Enviado por mvpineiro o Dom, 11/06/2023 - 22:5511.06.2023
PREMEDE NOS LOGOS PARA VER O ANTES E O DESPOIS
Co gallo do Día Mundial do Medio Ambiente (5 de xuño), todo o alumnado de infantil gozou dunha instalación de xogo libre con matrerial reciclado: caixas de cartón, tubos, chapas, tapóns, cortizas, teas, CDs, láminas de cartón, pinzas, xornais, papel triturado...
O material colocouse dun xeito estratéxico: pendurado do teito, botes e caixas cheas, torres de papel, rolos que simulaban catalexos, gorros e barcos de papel, cartón en forma de casiñas...
Así, de maneira libre foron explorando cada unha das "estacóns" propostas, cambiando de zona, de xogo, de material, de compañeiros/as de aventuras...
Un xeito máis de experimentación sensorial, de fomento da imaxinación, da creatividade, das interaccións sociais entre as diferentes idades... pero, sobre todo, de concienciación e da importancia que teñen as "3R": Reducir, Reciclar e Reutilizar e que tanto estiveron a traballar ao longo de todo o curso.
Como inspiración, tiveron o conto "NON É UNHA CAIXA", lido previamente nas clases con cada grupo.
Obradoiro sensorial
Enviado por mvpineiro o Dom, 07/05/2023 - 22:28Grazas Rebeca!
Enviado por mvpineiro o Sáb, 01/04/2023 - 17:44PREMEDE NA IMAXE PARA ACCEDER Á MENSAXE
01.04.2023
Damos por finalizado un mes intenso dedicado ás mulleres de Ferroltera. O xoves pasado publicabamos o podcast nas Ondas do Cruceiro e, xa para rematar, deixámosvos aquí o agradecemento dos nenos e nenas de Educación Infantil a Rebeca Atencia.
Parabéns a todos/as os/as que participastes neste gran proxecto, profesorado, alumnado... e infinitas grazas a estas grandes mulleres da nosa comarca polo voso achegamento e por aprendernos que non debemos deixar de soñar.