Excursión O Grove

Etiquetas :

O pasado 24 de outubro fomos a unha excursión ao Grove. Alí visitamos o Museo do Mar, o Acuario, ata navegamos pola ría de Arousa en catamarán, onde nos deron uns saborosos mexilóns. Disfrutamos moitísimo!

Bótalle unha ollada! É moi interesante!

26/10/2017 13:15
Atlantic/Bermuda

DÍA DA PAZ

Etiquetas :

 

Hoxe celebramos o día da Paz no noso cole.

 

 

Inicio do proceso de solicitude de praza

Etiquetas :

O día 1 do próximo mes de febreiro iníciase o proceso de admisión de alumnado en centros docentes sustentados con fondos públicos que imparten ensinanzas de 2º ciclo de educación infantil, de educación primaria, de educación secundaria obrigatoria e de bacharelato, reguladas na Lei orgánica 2/2006, do 3 de maio, de educación, para o curso 2017/2018, coa novidade da implantación da aplicación informática admisionalumnado que se empregará, con carácter obrigatorio, por todos os centros educativos para xestionar este proceso.

Os trámites e prazos deste procedemento establécense no Decreto 254/2012, do 13 de decembro, desenvolvido pola Orde da Consellería de Cultura, Educación e Ordenación Universitaria do 12 de marzo de 2013, aplicándose sen variación algunha para o proceso do curso 2017/2018. Non obstante, a entrada en vigor da Lei 39/2015, do 1 de outubro, do Procedemento Administrativo Común das Administracións Públicas e a implantación da nova ferramenta informática de xestión, determinan a necesidade de adaptar este procedemento aos requirimentos da administración electrónica; adaptación que se realizará mediante unha modificación de varios preceptos da Orde do 12 de marzo de 2013, en tramitación na actualidade coa previsión da súa aprobación antes do inicio do novo proceso.

Como xa se refire no parágrafo primeiro, o emprego da aplicación para xestionar o proceso é de carácter obrigatorio para todos os centros educativos sostidos con fondos públicos, con independencia de que teñan que aplicar ou non os criterios xerais de baremo para a admisión do alumnado. Mediante esta aplicación rexistraranse os datos dos/as alumnos/as e as incidencias propias do proceso de escolarización; datos que, ao finalizar a admisión, poderán ser recuperados dende á aplicación de xestión académica e administrativa desta Consellería (XADE). Os rexistros de matrícula, cando procedan, e os de xestión académica do alumnado escolarizado, seguiranse realizando a través e conforme as instrucións propias de XADE.

O emprego da aplicación admisionalumnado é totalmente opcional para as familias. A través desta ferramenta as persoas interesadas poderán cumprimentar as solicitudes de reserva de praza ou de admisión, presentar a solicitude de admisión de forma electrónica (acompañada de copias en soporte electrónico da documentación), así como consultar o estado de tramitación da súa solicitude.

Como anexo deste correo, achéganse instrucións específicas para o desenvolvemento mediante a aplicación admisionalumnado, da parte do proceso relativa á configuración da oferta das prazas do centro educativo e á solicitude e asignación de prazas reservadas a alumnado procedente de centros adscritos.

Distribuir contido


Feito con Drupal 6

 


Proxecto Webs dinámicas

Xunta de Galicia - Consellería de Educación, 2013
- Designed by EZwpthemes Drupalized by Azri Design