IMOS DE FESTA!!!

Etiquetas :

 

Hoxe, os pequenos e pequenas de infantil, introducíronse de cheo no mundo das tradicións populares recreando unha romaría. Vestíronse con roupa de época, fixeron rosquillas típicas das festas, levaron cestas con froita e foron camiñando ata un souto próximo ao colexio.

Máis tarde, os rapaces e rapazas de Educación Primaria subimos andando para xuntarnos cos compañeiros e compañeiras de Infantil e continuar a festa!! 

Tod@s xunt@s comemos de campo, ao son de muiñeiras tocadas por un gaiteiro, bailamos e xogamos.

Sen dúbida, foi unha experiencia fascinante e única para achegarnos ás nosas marabillosas costumes!!!! RisaRisaRisa

EDUCANDO CON MALIBÚ, DEPORTE ESCOLAR E CONCURSO DE POESÍA

O pasado venres, 24 de maio, vivimos de novo unha xornada escolar especial e emocionante.

Comezamos a mañá cunha charla da asociación Educando con Malibú, co obxectivo de ensinarlles aos nenos e nenas a ser máis responsables, solidari@s e respectuos@s cos animais. Para iso, viñeron acompañados de Malibú, unha cadeliña preciosa que encantou a tod@s!!

Despois desta charla, baixamos para a pista do patio onde xa nos esperaban os compañeiros e compañeiras dos colexios de Présaras e de Teixeiro, cos cales participamos en distintas probas de atletismo como tiro de xavelina, salto de lonxitude ou carreira de obstáculos.

Para rematar a xornada, repartimos os premios dun concurso de poesía organizado dende o equipo de Biblioteca.

Como podedes comprobar, foi un día onde o pasamos EN GRANDEEE!!!! SorrisoGuiñoSorriso

LETRAS GALEGAS 2019

Etiquetas :

Este mércores, 21 de maio, conmemoramos na biblioteca o Día das Letras Galegas, que este ano 2019 foi adicado a Antonio Fraguas, un destacado escritor e defensor do noso idioma.

Os rapaces e rapazas de 5º e 6º EP explicáronnos a biografía de Fraguas, axudándose dun mural que a resumía moi ben. Así mesmo, contáronnos a historia dalgunhas das romarías de máis sona do noso contorno, posto que foi o tema da súa obra Romarías e santuarios (1988).

CONTACONTOS

Etiquetas :

Esta semana recibimos a visita dunha contacontos que nos introduciu no apaixonante mundo dos contos e fábulas, narrándonos historias moi divertidas e das que aprendimos importantes ensinanzas. SorrisoSorriso

O CONCERTO DA ORQUESTRA É NOTICIA!!!

De novo unha actividade realizada no noso centro, o concerto da orquestra do Bragade, foi de interese para un xornal local que nos adicou unha nova nas súas páxinas. MIRADE!!!

CONCERTO ORQUESTRA BRAGADE

Etiquetas :

O martes, 14 de maio, a orquestra do CEIP Bragade, composta por alumnado do centro e dirixida polo seu mestre de Educación Musical, Israel Arranz, realizou un concerto didáctico para recaudar fondos para a excursión de fin de curso dos rapaces e rapazas de 5º e 6º de EP.

O concerto tivo lugar no salón de actos do colexio e puideron asistir todos aqueles familiares que así o desexaron.

Ademais de interpretar diferentes cancións, unha delas composta por un alumno de 6º, todo o alumnado do centro realizou un tributo a Queen interpretando cancións desta banda. Foi un momento máxico grazas a todos os ensaios que os nenos e nenas realizaron coa súa mestra de Inglés, María.

O concerto foi realmente ESPECTACULAR e EMOCIONANTE. Parabéns rapaces e rapazas, polo voso traballo e esforzo!!

RUTA DE SENDERISMO POR CESURAS

Etiquetas :

O luns, 13 de maio, fixemos unha ruta de senderismo polo entorno de Cesuras. Participamos todo o alumnado e profesorado do centro.

Os rapaces e rapazas de 2º a 6º de EP e os mestres/as fixemos a ruta camiñando, mentres que @s pequen@s de EI e 1º EP foron en autobús.

Xuntámonos na piscina de Cesuras. Alí aproveitamos o día para xogar, correr, construír cabanas, rir, bailar, cantar,... Foi un día magnífico. Rematámolo agotad@s, pero, sen dúbida, mereceu a pena!!!!! SorrisoGuayGuiño

 

FP INNOVA GALICIA

Os rapaces e rapazas de 5º e 6º de EP fomos a Santiago de Compostela visitar FP Innova Galicia 2019, un Congreso de Innovación na Formación Profesional organizado pola Conselleria de Educación, Universiade e Formación Profesional.

Ao longo dos postos que fomos percorrendo, os diferentes centros de formación profesional de Galicia fóronnos descubrindo, da man dos seus estudantes e profesores/as, unha chea de información sobre a investigación e innovación que están a desenvolver, dándonos a coñecer as posibilidades que ofrece a formación profesional.

Pasámolo xenial participando nos diferentes obradoirosRisa. Mirade:

TEATRO EN INGLÉS

Etiquetas :

Pois agora si, entramos na recta final deste curso. E para empezar con bo pé a volta de vacacións de Semana Santa, asistimos a unha actividade no salón de actos: unha obra de teatro en inglés.

Tamén nos acompañaron os compañeiros e compañeiras de colexios cercanos ao noso para fomentar así as relacións sociais e de convivencia entre os rapaces e rapazas.

Rimos moito con esta obra de teatro!! Estivo XENIAL!!!! RisaRisaRisa

ANIVERSARIOS DO 2º TRIMESTRE

Etiquetas :

Para festexar por todo o alto que marchamos de vacacións de Semana Santa, fixemos a celebración dos aniversarios de todo o alumnado e profesorado que cumpriron anos ao longo do segundo trimestre.

E que mellor forma de facelo que cunha comida deliciosa e cunha tarta que estaba exquisita!!!! Canso

Miradeeee:

Distribuir contido


Feito con Drupal 6

 


Proxecto Webs dinámicas

Xunta de Galicia - Consellería de Educación, 2013
- Designed by EZwpthemes Drupalized by Azri Design