Deixamos mostra dunha exposición realizada co alumnado de 6º de educación primaria ao redor dun proxecto traballado dentro do blogue de saúde. Previamente explicamos diversos aspectos relativos á interpretación dos alimentos e bebidas envasadas. Traballamos a lectura e interpretación correcta dos ingredientes, priorizando o "primeiro ingrediente" da lista como o que en maior porcentaxe se atopa, en que un alimento non debería de ter máis de tres "Es": E-120, E-240...), rexeitar algún produto alimenticio que conteña máis de cinco ingredientes, descartar alimentos que conteñan graxa hidroxenada, parcial ou totalmente modificada, graxa ou aceite de palma, coco, palmiste...

Do mesmo xeito aprendemos a interpretar o cadro de información nutricional, fixándonos fundamentalmente na cantidade de graxa saturada, sal e azucres. Unha vez explicado todo isto centrámonos neste último punto, os azucres ocultos que aparecen nos produtos que consumimos día a día. Hoxe por hoxe o azucre engadido (diferente do presente de xeito natural como é o caso das froitas - frutosa) está considerado actualmente un grandísimo problema na sociedade, xa que sen percatarnos estamos a consumir unha cantidade moi elevadísima á RECOMENDACIÓN DA OMS. Dito consumo excesivo está a provocar en idades moi pequenas moitos problemas de obesidade, diabetes e outras patoloxías.

O proxecto, titulado "CERO AZUCRE", consistía en empregar produtos que se consumen no día a día (comida e bebida) e analizar tanto os ingredientes como a táboa nutricional. Unha vez analizada esta derradeira centrámonos na cantidade de azucre engadido que contiñan. A mostra aí a tedes nas imaxes. A verdade é que é impactante ver a cantidade de azucre que consumimos e que está oculto. Esa mesma impresión a tiveron todos os alumnos/as e mestres/as. Esperemos que collan conciencia da importancia de analizar un produto que vaian a consumir fixándonos neses parámetros, sen obsesionarse, pero sen pasar do tema. Vai na saúde dun mesmo.

Se queredes indagar un pouco máis sobre todo este tema tan interesantísmo, podedes picar non seguinte ENLACE. Quedarédesvos todavía MÁIS ABRAIADOS!!!

Hoxe temos que ensinarvos un vídeo que lle enviamos ao colexio amigo de CEIP A LAXE, en Valón (Ferrol). Ámbolos dous centros estamos dentro do programa Plan Proxecta polo que, por mor da Covid19, non podemos facer intercambios. A mestra de EF do colexio máis eu acordamos enviarnos algún reto para que o centro receptor o tratara de facer. Unha maneira máis de interaccionar aínda que sexa de modo telemático. Nesta ocasión envíamoslles un vídeo explicativo dun xogo moi entretido que a miña compañeira descoñecía. Chámase o xogo do TEKA, e ten moita relación co Béisbol. A principal diferenza radica en que non empregamos un bate de béisbol. Usamos unha pelota de fútbol e pateámola cos pés. Millor mirade o vídeo que de seguro que entendedes de que vai o conto :)

Na etapa de Educación Infantil, en vez de facer unha activación como tal, pensamos en instaurar un Programa de Estimulación Temperá. Para elo seguimos o método desenvolvido polo Dr. Glenn Doman. Un método chamado "Programa de Execelencia Física". Este doutor estadounidense (xa falecido) traballou moito con nenos/as con diversas lesións neuronais e comprobou que se todos os días se lles facía unha rutina de exercicios variados e progresivos, non só milloraban en motricidade grosa e coordinativa, senón tamén que ese beneficio redundaba na capacidade de xenerar maior concentración e polo tanto, maior aproveitamento da clase. O programa desenvólvese en tres apartados:

a)Competencia en movilidade: carreira, gateo e arrastre.

b) Competencia manual: braqueo

c) Programa activo de equilibrio

Deixamos a imaxe do Doutor Doman (se picades nel daravos información máis precisa sobre a personaxe) e tamén a primeira pedra angular para poder poñer definitivamente en marcha dito Programa de Estimulación Temperá, a escaleira de Braquiación. Todavía faltan cousas por facer, pero o máis importante xa o temos para poder empregala.

Moitas grazas a quen a eleboraron!!! De seguro que os pícaros mailas pícaras pasaranno "pipa".

Seguindo coa nosa temática de millorar a saúde de todos e cada un de nós, desde o centro organizamos tamén un periodo para a RELAXACIÓN. Un periodo no que o alumnado aprenda a relaxarse, estar en silencio, baixar pulsacións, buscar a tranquilidade cando un se poida sentir algo nervoso... Así, desde o comezo do 2º trimestre, estamos a desenvolver á volta do recreo unha sesión de relaxación en cada un dos cursos. Esta sesión é previa á hora da lectura, co cal gañamos en todo o anterior máis en concentración e tranquilidade para que o proxecto lector sexa o máis fructífero posible, así como tramo final da xornada escolar. Cada mestre/a organiza a sesión como lle conveña, desde música clásica, mini sesións de ioga para nenos/as, música tibetana, música de piano, de violín, sesións audiovisuais de mindfulness para nenos/as... Unha experiencia moi positiva e cunha gran acollida por todo o alumnado. Deixámosvos un pequeno vídeo onde se está a facer o proxecto lector e de fondo escóitase a charla de Mindfulness para nenos/as. Para aqueles que non saibades que é o Mindfulnes, picade eiquí e obteredes información precisa