Hoxe, 25 de novembro, visitamos os estudos de radio Fene. Despis dun ano sen poder ir gravar alí pola pandemia... hoxe foi o estreno dunha nova andaina.

Estabamos nerviosos, cando nos vimos sentados cos micrófonos diante a voz entrecortábasenos.

Fíxonos moita ilusión poder ir, mantendo os coidados e a hixiene que a Covid precisa.

Fumos subindo e entrando nos estudos en pequenos grupos, o restos dos compañeiros e compañeiras agardaban fóra a que lles tocase a súa quenda.       

Foi unha experiencia moi bonita.            

O 12 de novembro veu á nosa aula Lorenzo, pai de Carmela e de Roque, e fixo un experimento con CO2.

Falounos dos usos e dos beneficios do CO2, e tamén dos estragos que podemos causar se facemos un mal uso.

nunha caixa precintada traía xeo seco (para poder collelo tuvo que poñer unhas luvas para non queimarse, porque o CO2 conxela a -78º) e nuns termos había auga moi quente. Botou a auga nun recipiente de cristal e a continuación o xeo seco, era impresionante escoitar como burbulleaba a auga en contacto con ese xeo xeco!!!

O que pasou a continuación non volo imos contar, mirade as fotografías e o descubriredes!!!

En ciencias da natureza traballamos os animais vertebrados ao longo do mes de outubro, logo fixemos un traballo de investigación sobre estes animais. Cada grupo de clase escolleu un animal entre cada unha cas clases de vertebrados. Estivemos na biblioteca buscando información nos libros, e posteriormente na clase completamos esa información coa que atopamos usando as tablet.

Descubrimos unha morea de cousas que non coñeciamos, agora xa sabemos un pouco máis do animal que escollemos.

O día 22 de abril tivemos unha conversa por videochamda con Héctor Cajaraville, o autor de Kusuma, o libro que leron os nenos e as nenas de 4º de educación primaria.

Kusuma conta a historia dunha faisán que marcha do seu país soa e preñada dunha enorme rosada, en busca dun lugar mellor onde criar aos seus filliños.

Grazas a Héctor resolvimos incógnitas que nos xurdiron durante a lectura:

Que pasou co Pitiño 13?

Que foi de Guntur?

 

Convidámosvos a ler o libro e a adentrarvos nunha fermosa aventura.

Haberá segunda parte? Según Héctor é probable, así que...

Agardamos por ela!

 Héctor, grazas por acompañarnos!