Nesta última semana antes do Nadal, o alumnado de E.I. e 1º e 2º de E.P., recibiu no colexio unha visita moi especial.
Veu o Mago Benxamín!
Durante o seu espectáculo estivemos cos ollos coma pratos e coa boca aberta... non podiamos crer o que estabamos vendo!
Sen dúbida, a maxia transporta a pequen@s e maiores a un estado de máxima ilusión... no que todo pode ser posible!!
Foi unha gran experiencia da que puidemos gozar no colexio grazas á ANPA do noso centro!! Moitísimas grazas!!
Preme na variña máxica se queres ver como son os seus espectáculos 
Dende o Equipo de Biblioteca do C.E.I.P. ADR Castelao queremos desexarvos unhas boas festas.
Agardamos que a lectura vos acompañe nestes días de descanso!
Lembrade que ler un libro é sempre unha aventura...
O alumando de 6º de Educación Infantil desfrutou dun contacontos que se desenvolveu en tres quendas en cada unha das aulas deste nivel. Contáronlles o conto "Te quiero casi siempre" e a través del, traballaron o respecto ás diferenzas existentes entre as persoas.
Preme na imaxe do conto para coñecelo mellor.
Os rapaces e rapazas puideron aprender moitas cousas e ao final levaron un monicreque dos personaxes do conto, Lolo e Rita, feito por eles/as mesmos/as.
O día 13 de decembro, tivo lugar na Biblioteca do noso centro a actividade: "Seguridade na Rede" a cargo da Garda Civil, incluído no Plan Director.
Nesta actividade a finalidade principal é concienciar ao alumnado dos perigos do mal uso das redes sociais, incidindo naqueles aspectos a ter en conta á hora de facer uso das mesmas.
Foi unha actividade moi útil, a través da que conseguimos aclarar moitas dúbidas.
O sábado 2 de decembro, disputouse en Santiago de Compostela unha proba de Campo a Través para clubes.
Desta vez, o CEIP ADR Castelao de Ordes estivo representado por varios alumnos/as e exalumnos/as que tiveron unha actuación destacada representando ao Atlética A Silva.
Destacamos:
1º posto de Juan Loureiro (benxamín masculino), alumno de 3º de E.P. do noso centro.
1º posto de Noa Rey (alevín feminino), alumna de 5º de E.P. do noso centro e que se iniciou no colexio.
2º posto de Samuel Fariñas (infantil masculino), exalumno do noso centro e que se iniciou no Castelao.
Paseando polos corredores do centro, atopámonos con este traballo...
Son unhas esculturas con forma de célula que os rapaces e rapazas de 5º fixeron, por grupos, para profundizar nun dos temas de Ciencias Naturais.
Dámoslles a noraboa por ese magnífico traballo e animámolos/as a seguir esforzándose!!
Os rapaces e rapazas de 3º e 4º de Educación Primaria puideron asistir na Biblioteca do centro a unha charla que forma parte dun proxecto solidario que pretende fomentar a solidaridade, o respecto ao medio ambiente, a reciclaxe e a creatividade.
É unha actividade proposta pola Consellería de Política Social e que consiste nun obradoiro con tapóns reciclados protagonizado pola súa mascota: "Püssa".
A Püssa gústalle coidar dos/as nenos/as, especialmente dos/as que máis o necesitan. Por iso lles veu pedir aos nenos e nenas que lle axuden a recoller tapóns a favor das asociacións e causas que o precisen.
A súa filosofía é converter eses tapóns en xogos divertidos ou darllos a artistas para que fagan obras de arte que despois venden.
Con esa filosofía, conseguen máis cartos xuntando menos tapóns.
Os/as cativos/as puideron levar para as súas casas unha bolsa/agasallo con pegatinas, unha chapa, un diploma e un xogo de mesa.
Animémonos a participar desta iniciativa!!
Alumnos e alumnas do Ceip ADR Castelao de Ordes participaron nas probas de Campo a Través do Campionato Comarcal do Programa Xogade da Xunta de Galicia.
Estas probas tiveron lugar na área recreativa da Magadalena, en Castrofeito (O Pino) e participaron 670 escolares de nove centros escolares. O noso centro participou xunto co de Touro, Mesón do Vento (Ordes), Ortigueira (Vedra), A Ramallosa (Teo), Arzúa, Sigüeiro (Oroso) e co IES de Arzúa.
Nesta competición o Ceip ADR Castelao participou cun total de 50 alumnos/as (25 rapazas e 25 rapaces) de 4º, 5º e 6º de Educación Primaria.
Destacar os resultados a nivel colectivo dos 4 equipos representantes do Castelao: 1º posto para o equipo infantil feminino, 2º posto para o alevín masculino e 3º posto para os equipos alevín feminino e infantil masculino.
Ademáis a nivel individual destacar os podios de Nadia González (1ª infantil feminino) e Antón Raña (2º alevín masculino).
A continuación podedes ver algunhas das imaxes desta xornada:
E da entrega de medallas...
Noraboa a todos e todas as participantes.
Tralos lumes que asolaron boa parte dos montes galegos, no centro comezou a brotar un sentimento de solidaridade que se transformou nun bonito proxecto que pouco a pouco vai dando comezo.
Chámase "Proxecto Landras, de Ordes a Vincios" e terá lugar durante este curso e o vindeiro (xa que necesitamos que transcorra este tempo ata que se rexenere o chan ardido).
A través do traballo do alumnado, o noso colexio converterase nun pequeno viveiro no que se dará vida a centos de árbores; concretamente Carballo autóctono galego. Encargarémonos de todos os pasos necesarios ata conseguir unha pequena pranta que poder doar ao Monte Veciñal de Vincios (pertencente á Mancomunidade de Montes do Val Miñor).
Este proxecto está supervisado e conta co asesoramento dunha enxeñeira forestal que traballa co Monte Veciñal de Vincios (Susana Castro Castro) e coa absoluta colaboración e entrega do profesorado, alumando e familias do C.E.I.P. A.D.R Castelao de Ordes.
Polo de agora fixemos os primeiros pasos do proceso; seleccionamos as landras máis axeitadas facéndolle a proba da flotabilidade e comezamos a prantalas nunhas bandexas.
Conforme vaia avanzando o proceso iremos dando conta na web do colexio con novas publicacións.
OS CATIVOS E CATIVAS DO C.E.I.P. A.D.R. CASTELAO DE ORDES ESTÁN...
"UNID@S CONTRA A VIOLENCIA DE XÉNERO"
Traballamos o lazo malva (con mensaxes) como símbolo desta conmemoración, os/as máis cativos/as limos contos moi especiais, os maiores vimos curtametraxes que nos impactaron e concienciaron e, entre todos e todas, fixemos un mural no que plasmar a través de fotografías de grupo, as nosas mensaxes en contra da violencia de xénero.
Mirade algunhas fotografías desta intensa semana...
Este foi o resultado final...
Podedes ver algunhas das curtametraxes traballadas polo alumando de Educación Primaria...
Premede nos enlaces para velas...
El sueño imposible Igualdad de género Superlola
E agora podedes visitar o enlace aos diferentes contos traballados polos máis pequenos e pequenas.
Premede nas imaxes de cada un deles para velos...
DÍA INTERNACIONAL CONTA A VIOLENCIA DE XÉNERO
