Iniciar sesión: Acceso

Información

Neste apartado atoparás información e fotos relativas á nosa biblioteca escolar

Cousiñas da Biblio

Se clicades no documento adxunto poderedes descargar en PDF a GUÍA DE USUARIOS da biblioteca do noso centro educativo. Nela atoparedes toda a información máis importante relativa á mesma: horarios, principais recursos e servizos á comunidade educativa, cómo están organizados os fondos e cómo buscar; entre outras. 

Os espazos da Biblio

Benvidas e benvidos á nosa Biblioteca Escolar. 

Na primeira planta do noso cole, xusto na primeira porta da dereita subindo polas escaleiras da esquerda atopámonos coa biblioteca do cole. Como podedes ver nas fotos, aínda que é unha biblio pequeniña, pero moi acolledora, está chea de libros e doutro material (como xogos educativos, material proxectable) que de seguro vos encantará. 

No seu interior, os fondos organízanse por categorías e tamén por idades. Ademais, a biblio conta cun espazo para a lectura nela por parte do alumnado.  

Non obstante, a biblio amplíase algo máis na Sala de informática, na que contamos con proxector e ordenadores nos que o alumnado pode buscar información, crear e editar textos... Así, cando para a realización dalgunha actividade da Biblioteca non collemos nela, habitualmente empregamos esta aula para facelo e botamos man dos recursos dispoñibles na mesma. 

 

E para os tempos de lecer, dos que non nos esquecemos, a biblio trasládase ao patio en forma de recuncho de lectura no que están a disposición do alumnado libros de diferentes características e idades. Non obstante, o alumnado adoita aproveitar este recuncho para xogar aos xogos educativos da biblio, debuxar e crear e tamén para ler. 

Nel, ademais, hai unha estanteria con diferentes lecturas para as familias.

 

Distribuir contido

Back to top