Iniciar sesión: Acceso

Proxecto de fomento do uso do galego

Semana da prensa

Con motivo da Conmemoración da Semana da Prensa, no cole de Cenlle estamos a elaborar entre todos un xornal!
Velaquí vos deixamos o enlace para que lle botedes unha ollada!!

https://www.flipsnack.com/ceipcenlle/new-flipbook.html

Tamén o podedes descargar en formato pdf no seguinte enlace.

Día de Rosalía

Ao longo desta semana celebramos o Día de Rosalía. E para iso realizamos diferentes actividades. 

Primeiro comezamos pensando como representar os versos do manifesto escollido este curso pola Asociación de Escritoras e Escritores en Lingua Galega. Cando o tivemos nas nosas cabezas, puxémonos mans á obra. Sacamos fotos dramatizando as situacións descritas e con elas elaboramos uns murais por grupos. Pero pese a ser diferentes, todos eles tiñan algo en común: Rosalía. Así, coloreamos a Rosalía e ao seu pensamento libre, en forma de bolboretas, mans, flores, música... 

Con estes cartaces fixemos unha manifesa-acción protesta que grabamos e montamos en vídeo, con todo o alumnado e profesorado do cole como participantes. 

Ademais, elaboramos uns dípticos sobre Rosalía, que incluían a súa biografía e o seu retrato, así como un dos seus poemas en galego que cada neno e nena ilustrou á sua maneira. 

Aquí vos deixamos unhas fotiños. Para poder ver o video, este é o enlace: https://www.facebook.com/ceipcarmen.garciacarrasco.7 

Xogos populares

O venres 1 de febreiro tivemos a sorte de aprender con Lito e Jorge diferentes enredos (entre eles algún musical) da nosa cultura. Foi unha sesión do máis proveitosa. Velaí vos deixamos algunhas fotiños. 

Pola súa parte, o venres 8 de febreiro, volvemos a participar nunha nova xornada de Xogos Populares, desta volta tocoulle a quenda a Rá e mais á chave!

n/d

25 de novembro. Dia Internacional da Eliminación da Violencia contra a Muller

No cole de Cenlle rexeitamos todo tipo de violencia. O que inclúe, por suposto, a violencia contra as mulleres. 

Aquí vos deixamos o enlace a un vídeo que grabamos no cole de Cenlle como parte dunha proposta dunha iniciativa dunhas profes doutros centros públicos de Galicia!

https://www.facebook.com/ceipcarmen.garciacarrasco.7/videos/267601204103...

Charla sobre a ALIMENTACIÓN

Hoxe no cole participamos nunha actividade especialmente relacionada coa alimentación e os hábitos de vida saudables ofertada pola Sociedade Galega de Consumo, dentro do programa Cores. 

Así, o alumnado máis pequeno do cole recordou a clasificación dos alimentos na pirámide da alimentación que xa tiñamos traballado na clase en días pasados. Pola súa parte, os/as máis maiores traballaron sobre a etiquetaxe dos alimentos

Aquí vos deixamos algunhas fotiñas. 

Semana da prensa

Esta semana foi a SEMANA DA PRENSA que no colexio celebramos traballando cos xornais: titulares, noticias...  

Ademais, gustaríanos contarvos que coa axuda do profe Pablo, os nenos e nenas de 4º de Educación Primaria elaboraron o seu propio xornal: O XORNAL DO COLE DE CENLLE. Podédelo ler nos arquivos adxuntos desta entrada. Recomendámovolo!

AbrideAFiestra

Pese a que mañá día 24 de febreiro é o seu día, hoxe celebramos no cole o día de Rosalía. E para iso nada mellor que darlle vida coloreando o seu retrato, e escribindo nunha das contras da fiestra un dos seus poemas relacionados dalgunha forma co horto escolar, o proxecto do cole neste curso. 

Non vos esquezades e...

"Abride a fiestra porque Rosalia de Castro é o mundo que está por facer. Un mundo que se abre se o abrimos."

Visita de Anxo Moure

Este martes veunos visitar ao cole o contacontos Anxo Moure. Con el saltamos, rimos e aprendemos moitas cousas!

 

 

 

      

 

 Podes ver máis fotos da visita na nosa galería. Clica aquí

Anxo Moure e Nubinete

O vindeiro Martes día 4 de abril visitará o noso cole o contacontos chantadino Anxo Moure que nos traerá a Nubinete para voar todos polo mundo. A cousa promete ser ben divertida!! 

Distribuir contido

Back to top