Skip to Content

Benvida

Benvidos á páxina web do 

CEIP Carmen García Carrasco 

de Cenlle.

                                           

 

Manzaneda!

Dende o luns3 ao mércores 5 os nosos nenos e nenas maiores foron a Manzaneda coa actividade ESQUIOU da Deputación de Ourense. Pena que non houbera neve, pero polo que parece os nosos nenos e nenas pasárono igual de marabilla!

En breve poderedes ollar na galería máis fotiños, mais de momento... aquí vai un pequeno adianto!

Saídas pola contorna

Estes últimos días os nenos e nenas do cole saímos bastante pola contorna. Así, comezamos a facer as nosas Andainas aproveitando os camiños que hai polo monte que temos pretiño do cole e  aproveitamos o bo tempo desta semana para saír un ratiño ao parque do Concello. 

Velaquí tendes algunhas fotiños!

Patios inclusivos

Este curso, decidimos invertir o diñeiro de Igualdade en pintar o patio co fin de facelo un pouquiño máis inclusivo e, de paso, un pouco máis "dinámico". E non atopamos mellor forma de facelo que a través destes marabillosos xogos: un pequeno circuíto para as nosas/os motoristas, ciclistas e peóns, un Jump e unha pista de carreiras, na que o noso alumnado non para de correr!

Velaquí algunhas fotiños! 

Campo a través

Hoxe, algúns dos nenos e nenas de primaria participaron no Campo a Través en Ribadavia, no que correron con nenas e nenos doutros centros educativos da contorna. 

Aquí vos deixamos algunhas fotiños!

Xogos populares

O pasado mércores participamos no cole nunha xornada de XOGOS POPULARES impulsada dende o Centro Cultural Xoaquín Lorenzo, da Deputación de Ourense. 

Nela, Lito tróuxonos e ensinounos unha variedade de xogos populares que nos gustaron moito. Velaquí tendes algunhas fotiños!

Último día do primeiro trimestre!

O último día do primeiro trimestre foi un día especial: tivemos o noso Festival de Inverno, que compartimos coas familias e que preparamos con moita ilusión, recibimos a visita de Papá Noel que nos trouxo uns agasallos ben bonitos e festexamos Fin de Ano con 12 gusanitos que fomos comendo a medida que as badaladas ían soando, ao que seguiu un ratiño de música e baile. 

Así dá gusto despedir o trimestre!

Pista de xeo e visita ao Museo Arqueolóxico Provincial

O pasado venres, as nenas e nenos do cole viaxamos a Ourense para desfrutar dunha xornada moi productiva. 

Primeiro, visitamos o Museo Arqueolóxico Provincial, no que tivemos a sorte de poder desfrutar dunha visita guiada na que nos foron explicando todo o que alí había. Mil grazas pola vosa paciencia!

Despois, achegámonos ao centro comercial para patinar un ratiño na pista de xeo e comer todos xuntos. O certo é que é un verdadeiro gusto ver como os/as máis maiores coidan dos máis pequenos/as!

Aquí vos deixamos algunhas fotiños!

Pupas, sustos e outros disgustos

O pasado mércores o alumnado máis maior do cole participou na actividade de "Pupas, sustos e outros disgustos" nos que aprenderon moitas cousas sobre os primeiros auxilios, sobre a RCP, qué facer ante un sangrado de nariz ou ante unha ferida. 

Aquí vos deixamos algunhas fotiños das dúas horas tan interesantes das que disfrutaron os nosos nenos e nenas. No seu Blog podedes ver algunhas máis. http://www.pupas.org/2019/12/pupas-en-cenlle.html

Mil grazas ás persoas que nos acompañastes ese día!

 

Club das familias

Este trimestre, dentro de "Club de familias" impulsado dende a Biblioteca do cole, recibimos a visita de dúas mamás que nos viñeron contar dous estupendos contos: "A Cincenta" e "O misterio da vaca Paca". 

Moitísimas grazas por compartir estas historias con nós e por achegarvos ata o cole!

 

Distribuir contido


by Dr. Radut