Iniciar sesión: Acceso

Benvida

Benvidos á páxina web do CEIP Carmen García Carrasco de Cenlle.

Sitio web do CENTRO EDUCATIVO.

                                           

 

Charla sobre a ALIMENTACIÓN

Hoxe no cole participamos nunha actividade especialmente relacionada coa alimentación e os hábitos de vida saudables ofertada pola Sociedade Galega de Consumo, dentro do programa Cores. 

Así, o alumnado máis pequeno do cole recordou a clasificación dos alimentos na pirámide da alimentación que xa tiñamos traballado na clase en días pasados. Pola súa parte, os/as máis maiores traballaron sobre a etiquetaxe dos alimentos

Aquí vos deixamos algunhas fotiñas. 

Magosto 2018

Hoxe celebramos no cole o Magosto! 

E para iso, o primeiro que fixemos foi preparar os nosos cucuruchos, para ter despois un bo sitiño no que gardar as castañas.

Tras o recreo, primeiro por grupos e logo en conxunto entretivémonos con diferentes XOGOS POPULARES, algo moi habitual en todos os magostos. Así, non faltaron as chapas, a mariola, os birlos, o pano, os aros, a carreira de sacos, as canicas, a goma, os zancos... entre outros. 

E como non podía ser doutro xeito, no noso Magosto tampouco faltaron as castañas, os bolos preñados e a fogueira. Ademais, o alumnado realizou diferentes actuacións para as familias, ás que agradecemos enormemente que nos acompañaran un ratiño neste día!

Ata o ano que vén, Magosto!

Samaín!

Hoxe celebramos no cole a festa do Samaín, que tanto lle gusta aos nosos nenos e nenas. E a verdade é que o día non estivo nada, pero que nada mal. 

Comezamos preparándonos: vestindo os disfrazes e maquillándonos,coa axuda das nosas mestras, para dar así de medo!

Despois, por equipos de grandes e pequenos, fixemos unha ximcana de xogos nas que había dende baile de Samaín, ata Obradoiros de cociña (con receitas saudables), pasando por xogos nos patios (soplar os ollos, torres pantasmais, atrapar a escoba da bruxa...) e un bingo coas personaxes máis características desta festa, coas que practicamos diferentes idiomas.

Asistimos tamén a unhas marabillosas actuacións que o noso alumnado maior do cole preparou con toda a súa ilusión durante os recreos das últimas semanas!

E como non podía ser doutro xeito, rematamos a xornada recontando os votos do concurso de cabazas, comendo un terrorífico xantar e divertíndonos nunha animada aula de medo!

Ata o ano que vén, Samaín!

Charla sobre o acoso escolar

Como parte do Plan director para a Convivencia escolar da Consellería de Educación, hoxe o alumnado maior do centro recibiu a visita de dous membros da Garda Civil que lles explicaron e lles fixeron reflexionar sobre o Acoso escolar. 

Aquí podedes ollar algunhas fotiños desta proveitosa e tan importante actividade!

Semana das Bibliotecas

Con motivo da conmemoración do DÍA DAS BIBLIOTECAS (o 24 de outubro) temos unha semana cargadiña de actividades relacionadas coa biblioteca escolar!

Así, comezamos o luns coa formación de usuarios e o martes con nada máis e nada menos que cun Contacontos cheo de maxia! Aquí vos deixamos algunhas fotiños.

Ademais, para festexar esta semana o noso alumnado elaborou un bonito cartel no que reflexionaron sobre a lectura (escribindo adxectivos, libros...) por cada unha das letras. Iso sin, sen esquecernos dos hábitos de vida saudable, de aí a sopa de letras!

Ademais, o alumnado maior do cole tivo tamén a súa primeira reunión de formación do Clube de lectura no que seleccionaron os libros que cada un vai a ler para a seguinte reunión do clube de lectura: o xoves 22 de novembro. 

 

 

Proxecto: O corpo humano

Dende setembro, o alumnado de educación infantil, en colaboración co alumnado de 1º de educación primaria, estamos inmersos no descubrimento e coñecemento do noso corpo: órganos principais, partes e funcións, articulacións, sentidos, emocións... 

Aquí vos deixamos algunhas das cousas que fixemos: unha caixa e mais unha ruleta dos sentidos, unhas botellas da calma...

 

Mochilas viaxeiras!

Hoxe puxéronse en marcha as nosas MOCHILAS VIAXEIRAS!

Unha delas é xa coñecida polo alumnado, trátase daquela que leva libros e outros materiais da biblioteca no seu interior. Pero este curso, ademais, ten algo novo, seredes quen de descubrilo?

A outra é nova, chámase "Pon as pilas" e enmárcase dentro do proxecto do centro e da biblio deste curso sobre os Hábitos de vida saudable. No seu interior leva diferentes xogos co fin de que o alumnado se mova e se manteña activo tamén as fins de semana en compañía das súas familias.  

Agardamos que as coidedes e que disfrutedes moito con elas!

Matemáticas viaxeiras e divertidas

Onte venres comezaron a viaxar ás casas das nosas familias de educación infantil diferentes bolsiñas con xogos de matemáticas divertidas (conteos, sumas, comparacións, atención...) cos que na aula xogamos un ratiño cada día. 

Esperamos que vos gusten tanto como nos gusta a nós enviárvolos. 

Facemos COMPOST!

Hai uns días chegounos ao cole un composteiro que montamos e xa temos listo para axudarnos a obter abono para o noso horto!
De agora en diante xa podemos sacarlle proveito aos restos orgánicos das merendas e do comedor!

 

 

Distribuir contido

Back to top