En homenaxe a lingua
que nas gorxas nos estala
guindamos estas cantigas
pra que non quede ignorada
Fala Maio, berra alto
para os rudos de oído
a lingua é desprezada
dende tempo moi antigo.
Chegaron os do barrete
cunha orde que cumprir
paremos ós do galego
que comeza a rexurdir
Con este designio a Lingua
agarda a defunción
para que morra contenta
lle piden a extrema-unción
E paseniño camiña
ao penal dos aforcados
con sufrimento e aldraxe
como nos tempos pasados
Din que farán todo novo
para que sexa moderno
á Lingua tamén lle toca
mandala para o inferno.
