Escolares

Despois dunha longa semana, cumprindo os mandamentos do Trasno Trouleiro, chegou a grande festa do 9 de Febreiro na que aínda quedaba unha derradeira peza para completar a nosa disfrace. Así, coa nosa chegada ó centro, realizamos un xogo de pistas que nos conduciría ó remate do noso atuendo.

E despois dunha longa búsqueda, atopamos a peza que completaba a nosa disfrace. MÍRADE QUE GUAPÍSIMOS ÍAMOS!!!

Porén, a pesares de que tiñamos preparada unha cantiga e diversos instrumentos musicais para encher ó Concello de Cerdido de festa, vímonos na obriga de continuar a festa no centro.

Máis tarde, catamos todos os doces típicos destas datas para recuperar folgos... GRAZAS FAMILIAS!!!!

E xa cos estómagos cheos, continuamos o día realizando diversos obradoiros de máscaras nos que a peza clave dos grupos interactivos foron as diferentes familias. Novamente, grazas!!!

Nós pasamolo pipa, e vós? 

Intimamente vinculado ó Plan Proxecta "Coñeces Cerdido?", construímos un auténtico múseo etnográfico. Na nosa aula, fixemos a nosa pequena aportación, realizando pequenas etiquetas daqueles instrumentos, utensilios e ferramentas que os pequenos/as traían. Para nós, é unha actividade moi complexa pero tremendamente enriquecedora. Así, fixemos grupos de traballo cooperativo para traballar en equipo aqueles aspectos que nos tocaba investigar, cooperación que segue costándonos moito e que pouco a pouco iremos mellorando. Porén, tivemos que rexistrar progresivamente o nome daqueles materiais que tiñamos diante, así como unha pequena descripción do seu funcionamento e que aparello se utiliza actualmente. Todo isto, respectando as diferentes etapas de lectoescritura. GRAN TRABALLO PEQUENOS/AS!!!