CEIP Amadeo Rodríguez Barroso

O  30 de xaneiro celebramos no colexio o DÍA ESCOLAR DA NON VIOLENCIA E DA PAZ, coa participación de todo o alumnado de Infantil e de Primaria.

Picando na seguinte imaxe poderase ver un vídeo con imaxes da celebración.

O día 15 de xaneiro, de acordo coa Orde 21 de outubro de 2022 pola que se desenvolve o Decreto 13/2022, iníciase o procedemento de admisión de alumnado para o curso 2023-2024 en centros docentes sostidos con fondos públicos. Actívase así a primeira fase do procedemento para RESERVA DE PRAZA en centros adscritos para alumnado que cambie de etapa. No caso do noso centro aféctalle ao alumnado de 6º de primaria que desexe cursar 1º da ESO nun dos institutos aos que estamos adscritos: IES Otero Pedrayo ou IES Universidade Laboral.

Os interesados deberán presentar solicitude de reserva de praza no prazo comprendido entre o 15 de xaneiro e o 6 de febreiro.

As solicitudes poderanse presentar:

- No CEIP Amadeo Rodríguez Barroso (en formato papel), logo de cubrir o formulario correspondente que se pode recoller no centro ou descargalo picando no anexo desta nota informativa.

- Telematicamente, a través da aplicación ADMISIONALUMNADO, seguindo as orientacións que alí se indican. Nese mesmo enlace tamén se poden atopar os accesos á lexislación aplicable e aos formularios de solicitude de reserva.

Na última semana do primeiro trimestre desenvolveuse no colexio unha actividade educativa de primeiros auxilios. Foi impartida por persoal sanitario do Servizo Galego de Saúde para alumnado de cuarto de educación primaria. 

Picando na seguite imaxe poderase ver un video que recolle diversos momentos da actividade.