blogue decee.maria.marinho

Estimadas familias:

Adxuntamos a última información emitida pola Consellería de Educación sobre o uso das máscaras no ámbito educativo.

Un saúdo.

Entre os centros formativos da Xunta procuramos facer colaboracións e traballos en conxunto, que nos enriquecen e nos fan mellores... Ademáis de participar no proxecto "Deseño e son" do IES Menéndez Pidal (https://www.instagram.com/p/Cb0I0NdspEP/?utm_medium=share_sheet), colaboramos...

- Con o  CEIP de Prácticas de A Coruña, na implantación dos seus hortos. Por certo, que tivemos o honor de que a árbore que elixiron para plantar no día da árbore do pasado 21 de marzo, foi unha maceira enxertada no CEE María Mariño, da variedade "Grande plana estriada (https://drive.google.com/file/d/1eXlugZzl6Yc94kIc1zCcjoEh6MHkkZSj/view).

- Co IES Poeta Díaz Castro, de Guitiriz. O curso de Soldadura fixo para o noso Centro unha mesa adaptada para facer un horto elevado e que o alumnado en cadeira de rodas, poda facer prácticas de agricultura. Estamos a construir en colaboración con eles, un hotel para insectos. Tamén alí plantaron dúas das variedades de maceira enxertadas por nos... Na foto vemos o fabuloso traballo realizado polos alumnos do Ciclo de soldadura. Agora tócanos a nos rematar o traballo...

Presentamos aos nosos compañeiros do IES Poeta Díaz Castro un titorial no que explicamos cómo fixemos o noso hotel de insectos. Gracias a esta colaboración, estamos a formar parte da cadea de hoteles de insectos promovida dende o IES Carolina Coronado de Almedralejo (Badajoz). Trátase dun proxecto que pretende crear unha situación de aprendizaxe baseada na construción dun hotel de insectos en cada centro, e na observación sistemática da colonización e hábitos dos seus habitantes, optimizando o protagonismo dos alumnos e o seu empoderamento na toma de decisións e desenvolvemento do traballo. Poddes atopar información neste enlace (marcade home e pages)

- Estivemos o pasado 6 de abril no CEIP Salgado Torres. Están instalando uns hortos fabulosos... Fixemos unha demostración, aos rapaces e rapazas de primaria, de cómo abonar un horto de dúas maneiras: como o faría un agricultor convencional (con fertilizante químico) e cómo se faría en agricultura ecolóxica (sen fertilizantes químicos). Como aforrar auga é tamén moi importante, fixemos unha instalación de rega por goteo, que puxemos en funcionamento ao rematar o noso traballo.

No novo curso 2021-2022 temos a sorte de continuar participando no proxecto liderado polo IES Menéndez Pidal "Deseño e son". Xa empezamos a traballar forte nos seus xardíns... Elaboramos tamén un novo titorial e actualizamos o noso Diccionario visual de termos agrarios:

- Titorial no que explicamos cómo "renaturalizamos" o entorno do CEE María Mariño.

- Diccionario visual actualizado sobre termos agrarios empregados nos nosos titoriales.

O xardín dos xogos (2018-2019) 

Maceiras no Camiño de Santiago (2019-2020)

Bosques e xardíns comestibles (2020-2021)

Fieitos arborescentes (2021-2022)

Renaturalizando (2022-2023)

Asier volve ao cole co orgullo de gañar o campeonato de España individual e de conxunto de Ximnasia Artística que se celebrou en Cuenca a pasada fin de semana.
Démoslle o seu merecido recoñecemento á súa chegada ao centro. PARABÉNS ASIER!!!!

PREME AQUÍ PARA VER O VÍDEO

Para darlle a benvida á primavera, no día da árbore plantamos carballos nunha zona próxima ao cole. Gracias ao profe Guillermo e aos rapaces de xardinaría, todas as aulas do centro puideron plantar a súa propia árbore. Agora toca seguilas coidando para que medren sans e fortes.

Continuamos co traballo no noso Plan Proxecta 2021-2022 de Seguridade Vial Ecoseguriño. 

Estamos a tope traballando para mellorar a sinalización dos nosos camiños seguros ao cole coainestimable axuda dos Programas Formativos de Fp e de todo o cole volcado para mellorar anosa seguridade. 

Xa veredes canta sorpresiña temos agardando.

E mentres traballamos nas aulas sobre o tema e comezamos a roda de visitas do Equipo daDXT; gran apoio!.

De aquí a fin de curso visitarannos en 4 ocasións máis e onte fixérono para fixar conceptos sobre o paso de peóns. 

Pasámolo moi pero que moi ben!

Grazas Susana e grazas Quico e vémonos o 22 de Abril para coñecer moi ben o semáforo.

Pois aquí tendes desvelado o mistero sobre o que se agachaba detrás do telón do escenario do Entroido 2022.

Esperamos que vos guste. Nós pasámolo xenial no cole cantando e bailando disfrazados dos nosos grupos favoritos. Aquí queda unha mostra de elo.