Skip to Content

25N, día Internacional contra a violencia de xénero

25/11/2021

Co motivo do 25N, o día contra a violencia de xénero, no noso cole fixemos varias actividades. Por unha banda, colgamos lágrimas violetas nas que cada alumno/a reflexou unha mensaxe en contra da violencia de xénero.

 

 

Tamén fixemos un mural no que a foto de cada persoa do centro ía acompañada de 3 adxectivos positivos.

O Magosto xa chegou!

24/11/2021

Xa chegou o outono ao cole, por iso celebramos un Magosto no que fixemos diferentes actividades: Pintamos follas de cores, fixemos colares con castañas, cucuruchos para comelas asadas e unha olimpiada na que este froito do outono foi o protagonista.

Ademais, tamén tivemos unha aula de outono na que cada clase tiña que buscar unhas castañas agochadas de diferentes cores. Pasámolo xenial. Aquí tendes un video con algunhas fotografías da celebración.

 

Roadshow Urban de A Coruña

08/11/2021

Este curso académico 2021-2022 no noso cole imos traballar para mellorar a nosa Conciencia de Mobilidade Urbana e Sostible; levando a cabo un montón de actividades para mellorar a nosa seguridade e conciencia viaria para a seguridade e o coidado do Medio Ambiente.

Para iso contamos co Plan Proxecta que bautizamos co nome de Eco-Seguriño e que así se chamará a nosa mascota que moi pronto coñeceredes.

Na xornada escolar do venres 5 de Novembro comezamos esta viaxe coa invitación dos nosos amigos da DXT da Xefatura provincial de A Coruña; Susana e Quico (Grazas por todo!). E da súa man participamos un grupo moi numeroso de alumnado acompañado polos profes e coidadores no Roadshow Urban de A Coruña na explanada da Dársena.

Contamos con diferentes actividades alí e un montón de monitores agardándonos comezando no Motorhome cunha experiencia única de Realidade Virtual na que nos convertemos en protagonistas do futuro da mobilidade urbana.

Tamén descubrimos a CIDADE 30 mediante Realidade Aumentadadescubrindo todo o que necesitamos saber do novo modelo de cidade máis sostible e segura.

E para rematar un partidiño de tenis que nos veu moi ben para coller folgos para a volta ao cole.

Foi una experiencia moi enriquecedora para todos e todas e aprendemos un montón de cousiñas. Volvemos prontiño. Grazas! E sempre SEGURIÑOS!

 

 

ELECCIÓNS CONSELLO ESCOLAR

03/11/2021 11:35

SAMAÍN

29/10/2021 18:58

Hoxe no noso cole celebramos o Samaín. Durante esta semana cada grupo preparou a súa propia cabaza se Samaín coas que fixemos unha exposición e un concurso. As aulas premiadas recibiron un diploma e unhas galletas de Samaín. Tamén fixemos un contacontos e outras actividades terroríficas.

Carreira ENKI

24/10/2021

Esta semana celebramos no noso cole a carreira ENKI. Esta carreira nace en 2014 como unha proba lúdica, non competitiva, apta para todas as idades e condicións que, a través do xogo, promove a inclusión e a visualización de colectivos e persoas con diversidade funcional, así como o respecto e a educación na diversidade.

Aquí vos deixamos un video sobre a nosa propia versión dalgunhas das probas da carreira.

 

Aberto o prazo para as axudas do MEC para alumnado con neae

15/09/2021

Informámosvos de que xa está aberto o prazo de solicitude de axudas para o alumnado con necesidades específicas de apoio educativo (becas MEC).

As solicitudes faranse vía web a través do seguinte enlace:

https://www.educacionyfp.gob.es/servicios-al-ciudadano/catalogo/estudiantes/becas-ayudas/para-estudiar/artisticas/necesidad-especifica-apoyo-educativo.html

Deberán imprimirse e entregalas no centro ata o día 30 de setembro.

Para calquera dúbida podedes poñervos en contacto co Departamento de Orientación do centro, a través do teléfono 881961106.

XA ESTAMOS DE VOLTA!

08/09/2021

Esperamos que pasarades un bo verán. No noso centro xa estamos preparando todo para un curso cheo de novas e ilusión. 

Desexámosvos un bo inicio a todas e todos!

 

CIRCULAR DE FIN DE CURSO

20/06/2021 10:54

 

Deixamos no ficheiro adxunto a Circular con información sobre fin de curso e para o inicio do próximo curso escolar.

Un saúdo.

AGRADECEMENTOS

15/06/2021 11:24

Mª Luz Barreiro Garea, Directora do C.E.E. “María Mariño” en representación de toda a Comunidade Educativa teño o pracer de dirixirme a vostedes co propósito de manifestarlles o máis sincero agradecemento pola xenerosidade e sensibilidade amosada cara o noso colexio ao longo destes anos; grazas as donacións feitas polas entidades que vostedes representan:

A Fundación Amancio Ortega, polo Nadal envía como agasallo unha cesta para o alumnado; ademáis de xogos didácticos e material informático para uso escolar. 

A Fundación Paideia fixo un aporte económico, importante, para a adquisición dun Emulador de Patrón de marcha CL1 Walker que permite estimular a fase de balanceo da marcha, permitindo o avance da extremidade inferior dos alumnos/as de escasa movilidade e cadeira de rodas.

Asemade unha donación de 17 ordenadores (CPU) que fixeron posible actualizar o material informático do centro, distribuíndose nas aulas que os necesitaban.

Estas donacións supoñen un aumento dos recursos para o centro e contribúen ao desenvolvemento integral dos nosos/as alumnos/as.

En nome de toda a Comunidade Educativa, moitas grazas!

Distribuir contido


by Dr. Radut