Ficha técnica 2025/26

1. Institución:

• Dirección Xeral de Relacións Exteriores e coa Unión Europea

2. Ámbito: Voluntariado, solidariedade, cidadanía global. 

3. Presentación do programa: Activistas polo mundo que queremos é un proxecto de Educación para a Cidadanía Global (ECG) que se desenvolve ao longo do curso de maneira semipresencial, combinando sesións presenciais nos centros con traballo en liña a través dunha aula virtual. O seu obxectivo é concienciar á mocidade sobre as desigualdades globais e fomentar unha cidadanía crítica e activa. O alumnado investiga catro eixos temáticos —medio ambiente, feminismo, dereitos LGTBIQ+ e loita antirracista— integrando coñecementos, valores e habilidades. Como produto final, crean guións radiofónicos que serán gravados e editados polas entidades organizadoras, utilizando a radio como ferramenta educativa. O proxecto culmina cunha Visita Sur, na que activistas de contextos vulnerables comparten co alumnado as súas experiencias e reflexións sobre participación social e transformación das inxustizas. Esta iniciativa pretende impulsar unha aprendizaxe comprometida coa defensa dos Dereitos Humanos e coa loita por un mundo máis xusto e equitativo.

Vídeos de presentación: vídeo 1 - vídeo 2

4. Alumnado ao que vai dirixido: alumnado de Educación Secundaria Obrigatoria e Ciclos formativos.

5. Participación:

• Límite de centros participantes: 4
• Límite de docentes participantes por centro: 10
• Límite de alumnado participante por centro: 100 / 4 aulas

6. Criterios de selección:

1. Valorarase a súa vinculación co PEC no caso de Institutos de Educación Secundaria e co Proxecto Formativo no caso dos CIFP. De non xustificarse a pertinencia segundo estes documentos, valorarase a súa integración nas materias do profesorado participante.
2. Terase en conta a representatividade do territorio galego.
3. O profesorado participante debe impartir aulas nos grupos que participen.
4. Desenvolvemento do plan de traballo autónomo.
5. Especificación da responsabilidade de cada docente participante.

7. Persoa responsable:

Nome: Eloi Fernández Ramos
Departamento: Solidariedade Internacional de Galicia
Teléfono: 650 541 426
Correo electrónico: sensibilizacion@solidaridadgalicia.org

8. Obxectivos do programa:

• Obxectivo xeral:
  Esta proposta pretende achegar ao profesorado e ao alumnado a realidade dos países empobrecidos e as dinámicas globais que perpetúan as situacións de desigualdade social tanto nos países do Sur Global como na nosa contorna máis próxima, e incidir en como todos e todas podemos facer algo para mudar estas situacións e construír o Mundo que Queremos. 

• Obxectivos específicos:
  • Para o alumnado
    • Facilitar coñecementos e habilidades sobre a participación e o activismo.
    • Crear un proxecto educomunicativo arredor do activismo.
    • Adquirir competencias para facer fronte aos problemas sociais e ambientais
    • Analizar os problemas sociais e ambientais locais e a súa incidencia no entorno global, para propoñer alternativas dende o local.
    • Desenvolver actividades para comunicar os problemas sociais e ambientais identificados na súa contorna próxima.
  • Para o profesorado
    • Facilitar coñecementos e habilidades sobre os  contidos do proxecto
    • Explorar o nivel de coñecemento dos estudantes sobre as problemáticas sociais e ambientais do seu contorno.
    • Coñecer e empregar ferramentas e recursos pedagóxicos como a radio.

9. Palabras clave: Activismo, participación, comunicación transformadora, igualdade, solidariedade, xustiza social, xustiza ambiental.

10. Metodoloxía e temporalización: 4 sesións presenciais e 4 sesións virtuais. Curso completo.

11. Actividades e recursos ofertados:

• Recursos materiais: non se contempla.
• Obradoiros:

  COÑECENDO E CONCIENCIÁNDONOS
  1. Que significa ser activista? Primeiro obradoiro presencial na aula (100 minutos) para dar a coñecer o proxecto, a aula virtual e achegarnos ao contido a traballar: que significa a palabra activismo e as características das persoas activistas. Do 10 ao 28 de novembro de 2025.
  2. Achegámonos aos activismos: Medioambiental, Xénero, LGTBIQ+, Antirracista. Sesión a través da aula virtual. Parada segunda do proxecto. Do 1 ao 19 de decembro de 2025.
  3. Comunicación transformadora. Analizaremos os medios de comunicación dende unha perspectiva crítica e de cidadanía global. Terceira parada do proxecto presencial (100 minutos). Mes de xaneiro de 2026.

  PASANDO Á ACCIÓN
  1. Comeza a acción: Realizamos os nosos guións radiofónicos. Creamos os nosos guións radiofónicos sobre o activismo elixido. Traballo en aula do alumnado guiado polo profesorado. Parada cuarta. Meses de xaneiro-febreiro 2026.
  2. Comeza a acción: Obradoiro radio. Creamos os nosos programas de radio de combate. Parada quinta do proxecto. Presencial na aula (100 minutos). Mes de febrero-marzo 2026.
  3. Achegámonos a outros contextos socias. Distintas voces para unha mesma realidade. Coñecemos a labor de activistas que traballan en diversas esferas noutras partes do mundo. Parada sexta do proxecto, a través da aula virtual. Marzo 2026.
  4. Encontros con activistas do Sur. Parada sétima do proxecto, presencial na aula (100 minutos). Abril 2026. 
  5. Escoitamos os nosos podcast e avaliamos. Parada oitava. Maio-xuño de 2026.
     

• Saídas: non se contempla.
•  
• Webs de referencia:
  • Web de Activistas polo Mundo Que Queremos
  • Facebook Activistas polo Mundo Que Queremos
  • Instagram Activistas polo Mundo Que Queremos
  • Youtube Activistas polo Mundo Que Queremos
  • Ivoox Activistas polo Mundo Que Queremos

• Concursos / Premios: Dado que o presente programa constitúe unha sólida aposta pola transformación social, e conxuga a visión local coa global, anímase ao profesorado participante a candidatar as súas experiencias nas seguintes convocatorias:
  - IV Premio Galego de Educación para a Cidadanía Global.
  - Premio Nacional de Educación para la Solidaridad Global Vicente Ferrer.

• Formación: Será unha formación dirixida ao profesorado participante e recoñecida polo CAFI (“ESTRATEXIAS INNOVADORAS PARA TRABALLAR OS ACTIVISMOS XUVENIS”); obrigatoria a asistencia dunha representación do profesorado de cada centro. Nesta xornada farase un percorrido polo proxecto, pola plataforma Moodle a utilizar, e un diagnóstico inicial da situación de partida de cada centro con respecto ao proxecto.
  • Data: 8 de novembro de 2025.
  • Lugar: Santiago de Compostela na EGAP
  • Horario: 11:00 – 14:00 e de 15:00 a 18:00

12. Orzamento: non se contempla.

13. Produto final: O produto final será o programa de radio que locute o propio alumnado, quen tamén se encargará da redacción dos guións. Da edición dos programas encargarase a equipa técnica do proxecto.

14. Criterios de avaliación:

• Criterios xerais do Plan Proxecta+:
  1. Creación dunha rede de traballo cooperativa na comunidade educativa entre alumnado, profesorado, familias e/ou institucións da contorna. Valorarase especialmente a participación activa do alumnado no desenvolvemento do proxecto (toma de decisións, realización do produto final etc) 
  2. Interdisciplinariedade (achegas desde distintos departamentos didácticos, disciplinas ou materias) e transferibilidade do proxecto.
  3. Impacto e difusión do proxecto. É imprescindible incorporar na memoria, a través de ligazóns (páxinas web, blogs etc), evidencias gráficas e/ou documentais do traballo realizado que permitan constatar o desenvolvemento do proxecto.

•  Criterios propios do programa:
  1. Grao de participación (a lo menos no 70% das actividades realizadas) do alumnado na proposta educativa.
  2. ​​​Grao de protagonismo asumido polo alumnado na creación dun proxecto educomunicativo.
  3. Nivel de asunción de responsabilidades (coordinación de actividades realizadas tanto no centro como nas da aula virtual, participación activa nas mesmas, etc.) do profesorado no desenvolvemento do proxecto.