Título node Learning object
As Visitas de Estudo forman parte do Programa Transversal do PAP e teñen como obxectivos específicos a promoción da cooperación europea, o intercambio de información e experiencias entre especialistas educativos e de formación profesional, en áreas de interese común. Permiten que os participantes coñezan os enfoques adoptados noutros países e poder adquirir unha información mellor e máis actualizada da educación en Europa.
Este programa de Visitas de estudo veuse desenvolvendo pola Comisión Europea desde 1978 (desde 1985 as Visitas de Formación Profesional) para favorecer os intercambios e a cooperación en materia de educación e formación. Cada visita de estudo está composta por un grupo de entre 8 e 15 participantes de diferentes países que nunha estadía de entre 3 e 5 días terán a oportunidade de debater, observar e intercambiar perspectivas e ideas sobre un determinado tema educativo ou de formación nun contexto europeo.
Cada ano o programa de visitas de estudo organízase arredor dunha serie de temas seleccionados. A Comisión Europea presta especial atención á vinculación dos temas das Visitas de Estudo coas Estratexias de Lisboa e a Estratexia 2020.
