Título node Learning object

Ecoembes convoca o segundo concurso escolar "Los profes también cuentan", dirixido a todo o profesorado de educación primaria de España. A inscrición e o envío de materiais debe facerse no formulario accesible na páxina web http://www.amarilloverdeyazul.com/los-profes-cuentan-2/ antes do 3 de febreiro de 2013.

A finalidade do concurso é apoiar a todos os docentes con inquietudes literarias, así como fomentar entre o seu alumnado aquelas actividades relacionadas coa lectura, promovendo a reciclaxe de envases de plástico, latas e briks, así como envases de papel e cartón.

Segundo as bases do concurso os contos enviados deberán ser obras orixinais e inéditas, escritas en castelán e que non foran anteriormente premiadas. Ademais, deberán narrar a historia dun superheroe protector do medio ambiente e estar enfocados á reciclaxe de envases, estar dirixidos a alumnado de educación primaria e ter unha extensión de entre 400 e 800 palabras.

O xurado escollerá os 10 mellores traballos, que serán publicados e, entre estes, seleccionará un gañador que terá como premio colectivo para toda a clase participante e para tres profesores/as acompañantes unha estancia nun parque infantil a elixir e que non supere os 6.000 euros de custe. Ademais, o conto gañador servirá de guión para a a grabación dunha curta de animación basada nel.