Título node Learning object
O Ministerio de Educación, Cultura e Deporte, a través do Instituto Nacional de Tecnoloxías Educativas e de Formación do Profesorado (INTEF), convoca os Premios a Materiais Educativos en soporte electrónico, aptos para o seu uso e difusión en internet e dirixidos a lograr os novos obxectivos esixidos na cultura dixital, tales como a capacidade para acceder ás fontes de información en formato dixital e para comunicarse de xeito competente mediante os novos medios de comunicación.
Poderán participar as persoas físicas, as entidades sen ánimo de lucro e os centros públicos ou privados.
Modalidades de participación:
- Modalidade A: Centros de ensinanza
- Modalidade B: Persoas físicas, individualmente ou en equipo, e entidades sen ánimo de lucro
Poderán presentarse dous tipos de traballos:
- Tipo I: Proxectos educativos vinculados ás TIC, levados a cabo en centros escolares, que só poderán ser presentados por centros de ensinanzas (Modalidade A)
- Tipo II: Materiais e recursos educativos, que poderán ser presentados tanto por centros de ensinanza (Modalidade A), como por persoas físicas, equipos ou entidades (Modalidade B)
O prazo para a presentación das solicitudes de participación será de vinte días naturais, a contar desde o día seguinte ao da publicación da resolución no BOE.