Título node Learning object

Froito da colaboración entre a Federación Española de Enfermidades Raras (Feder) e o Centro de Referencia Estatal de Enfermidades Raras (Crer), publícase a guía "Enfermidades Raras na escola. Educar en Rede. Recursos para a inclusión", dirixida a profesionais de atención educativa.

Este documento ofrece recursos e información para dar unha adecuada resposta ás necesidades dos nenos, nenas, adolescentes e mocidade con enfermidades raras, que favorezan o seu acceso, participación e progreso no sistema educativo como garantía de inclusión.

Tamén recolle diferentes iniciativas desenvoltas desde as asociacións de enfermidades raras que se identificaron como boas prácticas. Iniciativas que poden ser xeneralizables e servir de impulso para facer da escola un lugar onde se aprenda a convivir coa diversidade.

Esta publicación complementa a anteriormente editada polo Imserso no ano 2020 "Enfermidades Raras na escola. Guía de apoio".