Convocatoria de concurso para a elaboración dunha exposición sobre o autor homenaxeado o Día das Letras Galegas 2015
Ven, 03/10/2014 - 12:34
A Secretaría Xeral de Política Lingüística de conformidade co establecido no artigo 16 do Decreto 4/2013, do 10 de xaneiro, polo que se establece a estrutura orgánica da Consellería de Cultura, Educación e Ordenación Universitaria (DOG núm. 13, do 18 de xaneiro de 2013) con motivo do Día das Letras Galegas, convoca un concurso para a elaboración dunha exposición sobre a obra, época e lingua do autor homenaxeado en 2015 Xosé Filgueira Valverde, e/ou sobre a situación sociolingüística da etapa histórica en que este viviu.
Premio: os grupos de traballo que elaboren as exposicións gañadoras recibirán cadanseu premio en metálico por importe de 2.000,00 €.
O prazo de presentación remata o día 12 de xaneiro de 2015."
