Dous días despois no 181 aniversario do nacemento de Rosalía, ao mediodía, dous pequenos pero animosos grupos dos nosos rapsodos máis novos prestaron as súas voces para que os versos da poeta de Padrón irrompesen nas aulas e interrompesen os temarios de inglés, matemáticas, ciencias sociais, física, literatura... toda unha licenza poética que se nos permitiu para festexar á sempre inesquecíbel Rosalía. 

Moitas grazas a tod@s: rapsodos e ouvintes por facer viable esta nova celebración lectora.

Dúas novelas moi acaídas para conmemorar lendo o Día Internacional da Lingua Materna.

O profesor de vegliota de Manuel Veiga ("unha proposta que nos achega a conceptos como identidade, resistencia ou asimilación coa lingua como obxecto de reflexión", en palabras de Ramón Nicolás) 

Crónica Córnica de Francisco Coimbra ( “Falarmos é condición sine qua non para sermos” a partir desta premisa técese unha orixinal narración a favor dos dereitos lingüísticos identitarios dos pobos)