A calidade das imaxes e das historias contadas fai desta novela gráfica unha obra excepcional.
    As protagonistas son mulleres inmigrantes: nais que arriscan a vida para ofrecer un futuro mellor aos seus fillos; mozas que se prostitúen para contribuír á deficitaria economía familiar;  mulleres que viven ás agachadas o seu lesbianismo; empregadas-servas do fogar sen papeis…
    Todo un documento gráfico-literario dun mundo inxusto.

    “Trátase -son palabras do propio Xosé Tomás- dunha historia de persoas (todas mulleres) que emigran dun lugar para outro, que deixan un pasado e se enfrontan a un futuro incerto. Unha visión poliédrica do concepto da "estranxeiría", ese termo que a todos nos pode afectar en calquera momento. E unha visión dende a perspectiva das que, neste mundo aínda tan lento, sofren do desprezo e da incomprensión”.