Menú de enganos de Manuel Núñez Singala
“Foi o médico, á vista das análises, o que lle recomendou reducir os hidratos na dieta e incrementar a inxesta de proteínas. Por iso teimaba en comer a Hansel e Gretel, malia vivir nunha casiña de chocolate, a moi bruxa”
Así remata este xantar literario cunha carta moi especial. Vinte pratos de relatos: catro lixeiros e curtos para picar, catro entrantes, catro primeiros, catro densos e fortes segundos e catro sobremesas para deixar bo sabor de boca. Humor, reflexión, crítica, textos con variedade de personaxes e situacións, historias literarias saborosas cun denominador común: o engano, a mentira e a falsidade porque -di o propio autor- a vida é un xogo de verdades e mentiras. Un xantar apto para todas as dietas.
|
|
|