Celebrando a diversidade

O crecente aumento de alumnado estranxeiro no centro invita a enriquecernos das diferentes culturas e achegarnos á diversidade desenvolvendo actitudes de respeto e tolerancia polas diferenzas. A través das titorías da ESO impúlsase un proxecto intercultural que representa a alumnos e alumnas do noso centro. Cada curso da ESO de primeiro a cuarto, divídese nos seguintes grupos de traballo: monumentos mais emblemáticos, gastronomía, curiosidades, festas e tradicións sobre diferentes países: China, Brasil, Italia, Senegal e Marrocos. Distintos departamentos implicáronse no proxecto traballando todas as competencias e seguindo o modelo DUA.