Os horarios previstos para as presentacións serán os seguintes (aquí).

É importante que teñan en consideración as seguintes instrucións para que todo se desenvolva con normalidade:

- Rógase máxima puntualidade (non entrar ao recinto escolar nin antes nin despois da hora asignada) para que non haxa acumulación de persoas diante das entradas.

- Os alumnos agardarán na porta de entrada que  lle corresponda a que o titor os avise para subir  ás aulas e circularán  pola  dereita en corredores e  escaleiras. As entradas habilitadas son estas (aquí)

- Os alumnos entrarán  sós  ao recinto escolar e con mascarilla  non  permitíndose a entrada de pais  ou acompañantes.

- Ao entrar, os alumnos deberán botar xel hidroalcohólico nas mans nos  dispensadores que se atopan á súa disposición nas tres entradas.

-  As presentacións terán unha duración aproximada dunha hora.

- Os alumnos de 1º de ESO  farán un  percorrido polo centro para que coñezan as  instalacións do mesmo unha vez finalizada a presentación na aula.

Respecto ao horario deste curso:

As clases serán en horario de mañá de 08:30 a 14:10 e os martes pola tarde de 16:20 a 18:00 para todo o alumnado. Os alumnos da ESO terán dous recreos co horario habitual de 10:10 a 10:30 o primeiro, e de 12:10 a 12:30 o segundo. Os alumnos de Bacharelato terán un só recreo de 11:00 a 11:40. 

Para poder manter nas aulas a distancia de seguridade de 1,5 metros, van desdobrar a maioría dos grupos o que supoñerá unha ratio claramente inferior á habitual. O alumnado de primeiro de bacharelato terá unha modalidade semipresencial somentes naquelas materias onde a ratio supere os 20 alumnos. No resto, terán clases sempre de xeito presencial. 

No Plan de Acollida teñen máis información de como se vai organizar o curso (aquí)

Saúdos e grazas pola súa paciencia. 

Trátase dunha aplicación que permite ás familias consultar a información dos seus fillos a través do teléfono móbil desde calquera lugar, de forma cómoda e rápida.

A descarga desta aplicación faise desde  Apple  store (se o sistema operativo é  IOS) ou desde Google Play  Store (se o sistema operativo é Android).

As familias que descarguen  abalarMóbil van poder dispoñer das seguintes funcionalidades: 

• Acceder aos datos persoais

• Consultar as cualificacións

• Consultar e xustificar as faltas de asistencia

• Consultar as faltas de  conduta

• Solicitar unha cita de titoría

• Consultar os datos do centro educativo

• Consultar os avisos ou notificacións por parte do profesorado ou do centro educativo.

• Consultar as  incidencias creadas polo profesorado

• Modificar o idioma da aplicación

• Acceder á mensaxería de  abalarMóbil, que é unha nova funcionalidade que ten como  objectivo facilitar a comunicación entre o centro e  os responsables do alumnado, ou entre o profesorado e leste.

A aplicación  abalarMóbil está dispoñible para os pais, nais e titores legais do alumnado matriculado nos centros educativos de Galicia de educación infantil, primaria, secundaria, bacharelato e ciclos formativos. 

Guía para as familias aquí 

• Antes de matricularse en ABAU, deberedes de ter pagadas as tasas para a solicitude do título de bacharelato. Podedes descargar o impreso (iniciar taxa/descargar modelo) para ir a pagar ao banco.

Como cubrir o modelo

• Para a matrícula ABAU, no seguinte enlace pódense consultar prazos, xeito de matrícula e tasas.

Ver