IES Maximino Romero de Lema

O pasado luns o alumnado de 3ºESO practicou durante dúas sesións distintos exercicios para poñelos en práctica cando vaian surfear na praia de Arou. Para comezar unha pequena charla teórica na que se valorizaron as praias da Costa da Morte como das mellores para practicar este deporte. A continuación a rapazada púxose en acción e simularon o comportamento das ondas do mar e as correntes, familiarizáronse co material de surf e practicaron os movementos sobre táboas de surf, sobre patinetes e sobre táboas e rolos de equilibrio de madeira.

Unha excelente forma de entender e dominar as técnicas antes de aplicalas no océano. Isto, que ía realizarse o pasado mércores, tivo que adiarse polas malas condicións climáticas  para principios de xuño. De seguro que para entón non esquecen o aprendido en terra!