IES Maximino Romero de Lema

O alumnado de 2º ESO comezou a Semana Cultural participando nun obradoiro de elaboración dun protector solar impartido pola asociación Aprendendo a través do surf. Na primeira parte, teórica, o relator fixo fincapé no probable impacto que os protectores convencionais teñen na nosa saúde e no ecosistema mariño. Animou os presentes a aprender a identificar determinadas substancias tóxicas presentes nos cosméticos e a reflexionar do sorprendente que é que, hoxe en día e con todos os controis que hai, aínda existan produtos con substancias tóxicas que se comercializan sen ningún problema.

Explicou a importancia do sol na nosa saúde, pero tamén os danos que pode producir o exceso da exposición á radiación solar. Parar prolongar o tempo de exposición sen sufrir danos debemos utilizar protectores solares. El propuxo alternativas naturais para protexernos de xeito máis respectuoso e natural. Entre estas alternativas desenvolveu coa rapazada unha fórmula de protección solar caseiro con óxido de cinc e ingredientes accesibles de orixe natural para que poidamos elaboralo na casa. Todos os e todas as asistentes levaron unha mostra de crema solar, tendo en conta que non se trata dun protector solar homologado.

O alumnado gustou do taller e, asemade, concienciouse da necesidade de coidarnos ante o sol e da necesidade de evitar contaminar os mares coas cremas protectoras, algo, isto último, que para eles e elas pasaba inadvertido.