Skip to Content

Reanúdanse os prazos para a admisión nos centros públicos

Mér, 06/05/2020 - 14:55 — luis

Educación reabre este luns, día 11 de maio, o prazo de admisión nos centros escolares para o vindeiro curso 2020/21.

Lembrade que desde hoxe ata o día 18 de maio está reaberto o prazo para solicitar praza no centro onde ides cursar bacharelato (para as persoas que non o fixestes antes do confinamento).

https://www.edu.xunta.gal/portal/node/31015

Instrucións para o desenvolvemento do 3º trimestre

Mér, 29/04/2020 - 11:10 — luis

Instrucións do 27 de abril de 2020, da Dirección Xeral de Educación, Formación  Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.

https://www.edu.xunta.gal/portal/node/30936

Boas prácticas nas saídas da poboación infantil

Lun, 27/04/2020 - 13:39 — luis

Podes descargar esta guía elaborada polo ministerio -aquí-.

Para obter máis información:

https://www.lamoncloa.gob.es/serviciosdeprensa/notasprensa/sanidad14/Paginas/2020/250420salidas-menores.aspx

Novas FP: Resolución da Consellería de educación

Ven, 24/04/2020 - 10:22 — luis

A Consellería de Educación, Universidade e Formación Profesional vén de publicar no seu portal educativo a Resolución pola cal se establecen unha serie de medidas excepcionais no que atinxe ás ensinanzas de réxime especial (graos formativos, ensinanzas deportivas, ensinanzas profesionais de artes plásticas e deseño e ensinanzas artísticas superiores), que -ao igual que o resto das ensinanzas-  se viron afectadas polo decreto de Estado de Alarma.

Día do libro

Mér, 22/04/2020 - 20:13 — luis

Aproveitamos o día mundial do libro para publicar un vídeo onde mostramos cal é o noso libro preferido

 

Quedar na casa (9)

Lun, 20/04/2020 - 19:27 — luis

O confinamiento polo COVID-19 alóngase un pouco máis, como xa era de esperar, o que complica o proceso educativo en todo o sistema educativo.

Alumnado e familias teñen moitas dúbidas sobre os prazos e procedementos que xa estaban en marcha, así como outros que ían comezar. Aclaramos que de momento todos continúan suspendidos polo estado de alarma e que se reabrirán cando a situación cambie.

Para organizar o terceiro trimestre agardamos instruccións específicas da Consellería de Educación, unha vez que o Ministerio de Educación publique normativa ao respecto. Pero, como sabedes, o profesorado está traballando nas súas programacións e organizando as tarefas de apoio, recuperación, e ampliación das aprendizaxes adquiridas, que vos envían. Polo momento, compartimos a publicación do Ministerio de Educación da semana pasada, como fonte oficial da información dispoñible.

https://www.educacionyfp.gob.es/prensa/actualidad/2020/04/20200415-sectorial.html

Deixámosvos un pequeno vídeo sobre o final do confinamento, que pode servir para aclarar como nos podemos sentir cando chegue o momento.

Servizo de impresión no concello

Mar, 14/04/2020 - 10:56 — luis

O Concello de Xove, tras porse en contacto co IES Pedro Caselles Rollán e o IES Illa de Sarón, pon a disposición de todas as familias de Xove o servizo de impresión de material educativo no caso de que nondispoñan de medios tecnolóxicos nas súas casas.

Máis información en:

www.xove.es

Quedar na casa (8)

Mar, 14/04/2020 - 10:50 — luis

Despois destas "vacacións", agardamos que vos atopedes ben, con forza e ánimo. Por iso, queremos compartir con vós este vídeo con 17 boas noticias e motivos para o optimismo, a pesar desta situación que estamos vivindo.

Botádelle un ollo!

Deixámosvos tamén uns consellos básicos que compartiron compañeiras e compañeiros de Aulas Galegas para organizar o estudo na casa, por se vos pode servir de axuda.

https://drive.google.com/file/d/1mrSkkzSCzEsPbsF_KXylQNLqs11yRwK0/view

E hoxe publicamos tamén esta "Axenda para adolescentes confiad@s", en formato infografía, que publicou o Colexio Oficial de Psicoloxía de Galicia.

Podes descargalo -aquí-.

Quedar na casa (7)

Ven, 03/04/2020 - 09:56 — luis

Vai finalizando outra semana, a terceira de confinamento, e queremos seguir mandándovos moito ánimo para afrontar o que queda, que cada vez é menos...

Compartimos unha nova guiía, esta vez de Cruz Vermella, que elaboraron específicamente para esta situación. Gústanos compartila con vós porque é importante valorar o esforzo de tantas persoas que están traballando no noso benestar e na nosa tranquilidade, algo tan importante neste momento. Tamén porque pensamos que para algunha persoa pode ser moi útil consultar en fontes de información sinxelas e fiables algunha cuestión que lle preocupa. Esta guía está dividida en tres apartados: información sobre o coronavirus, manexo da situación do estado de alarma e actividades e recursos lúdicos, organizados por temáticas e idades.

Podes descargala premento -aquí-

E tamén algo máis lúdio, presentámosvos unha páxina que nos leva de paseo polo música de Galicia. Historia, música tradicional, o folk, o pop ou o rock son algúns dos elementos que atoparedes. Contén textos, imaxes, audios e actividades que nos guiarán neste interesante paseo virtual pola música de Galicia.

https://www.edu.xunta.gal/espazoAbalar/sites/espazoAbalar/files/datos/1462796657/contido/paseomusica/index.html

Moito ánimo!!!

Quedar na casa (6)

Xov, 02/04/2020 - 13:26 — luis

Compartimos outras dúas pequenas guías elaboradas polo "Colegio Oficial de Psicología de Madrid".

Días atrás deixámosvos a que elaboraron para afrontar a crise do coronavirus con orientacións para a xestión psicolóxica desta corentena. Agora, por se resulta do voso interese, podes descargar esta para xestionar a ansiedade:

https://issuu.com/colegiooficialpsicologosmadrid/docs/recomendacionesansiedad/1?ff

Tamén outra con pautas para as familias:

https://issuu.com/colegiooficialpsicologosmadrid/docs/pautasfamilias/1?ff

Distribuir contido


by Dr. Radut