MURAL HÁBITOS DE VIDA SAUDABLE

O alumnado de 1º da ESO e 1º de FP Básica, en colaboración cos departamentos de Bioloxía e Plástica, realizou este mural, que podedes ver colgado no relanzo das escaleiras, para promover os hábitos de vida saudable.

XV ENCONTRO DE POETAS NAS VIDEIRAS. PETÍN 16 DE MARZO

O sábado, 16 de marzo deste ano, o alumnado de 2º de bacharelato do noso centro participou no XV Encontro de Poetas nas Videiras que organiza a escritora ruesa Rosa García Machado. Desta volta, os temas xiraban arredor da poesía e da cociña e o lema era “Poeciñando paxaros”. Temas e lema non arredaron aos nosos valentes alumnos e alumnas para construír uns poemas que chaman a atención pola súa orixinalidade.

Información: admisión de alumnado curso 2024/25

En relación coa admisión de novo alumnado, xa está publicada no taboleiro de edictos do centro a listaxe definitiva de admisión de alumnado para o curso 2024/25.

Bolsas de axuda ao estudo do Ministerio de Educación Curso 2024/2025

O Ministerio de Educación, Formación Profesional e Deportes ven de publicar a convocatoria de becas para o vindeiro curso 2024/2025.

Existen axudas económicas tanto para ensinanzas  universitarias como para non universitarias que inclúen, entre outras, ESO, Bacharelato e FP. Para ver un resumo, preme sobre esta ligazón.

O prazo de solicitude vai do 19 de marzo (9:00) ao 10 de maio (15:00) de 2024.

As solicitudes deben tramitarse a través da SEDE ELECTRÓNICA DO MINISTERIO DE EDUCACIÓN.

Podes ver toda a información sobre a beca e os trámites premendo nesta ligazón á páxina informativa do Ministerio. 

Distribuir contido