Como facer copia de seguridade dun curso
|
Máis información en Webs Dinámicas: |
Podemos facer copia de seguridade dos nosos cursos da aula virtual en calquera momento. É especialmente recomendado facelo ao rematar un curso lectivo, cando se prevé un cambio no profesorado que o impartirá no futuro, por exemplo ante unha baixa ou substitución, ou cando vaiamos a realizar cambios importantes na estrutura do curso.
Para iniciar o asistente de Copia de seguridade seleccionamos a opción correspondente do apartado de “Administración do curso”.
-
Tal e como se indica no paso 1, a copia de seguridade do curso non incluirá información sobre os usuarios matriculados.
-
Se o desexamos podemos saltar os pasos 2 e 3. En caso contrario:
-
No paso 2, podemos incluir ou excluir da copia recursos e actividades concretos ou bloques completos. Por defecto incluiranse todos.
-
No paso 3 podemos modificar o nome por defecto do ficheiro de copia de seguridade.
-
No paso 4 crearase o ficheiro. Este proceso levará máis ou menos tempo en función do tamaño do curso, da carga do servizo de aulas virtuais, etc.
-
Rematada a creación da copia de seguridade o ficheiro resultante almacenarase na “Área da copia de seguridade privada de usuario”, desde a que poderemos descargalo, que é a opción recomendada para maior seguridade, para dispoñer da copia noutro soporte, importalo noutra plataforma, etc. A extensión por defecto do ficheiro é .mbz
- Lembrade que desde principios de 2023 as copias de seguridade só permanecerán 7 días na aula virtual. Despois eliminaranse automáticamente desde os servizos centrais da Consellería.
