Documentación das aulas virtuais (Moodle 3.x)

Nesta páxina descríbese o procedemento para crear e descargar unha copia de seguridade dun curso Moodle.

Dous tipos de copias de seguridade de cursos:

• Con datos de usuarios.
• Inclúe todos os datos da participación no curso dos usuarios (alumnado e profesorado): participación nos foros, entrega de tarefas, respostas a probas, os de calquera outro tipo de actividade participativa, cualificacións, os rexistros de acceso, a matriculación, e tamén os datos do perfil dos usuarios.
• A creación deste tipo de copias de seguridade pode entrar en conflicto coa protección dos datos de caracter persoal do alumnado. Por este motivo non se recomenda a súa creación nin a súa descarga.
• De ser necesaria a consulta de datos antigos sempre poderán ser recuperados desde as copias de seguridade centralizadas.
• No caso de borrado accidental de actividades con datos da participación dos usuarios, pódense recuperar durante 7 días desde a papeira de reciclaxe do curso.
• No caso de borrado accidental de cursos completos, pódense recuperar durante 7 días desde a papeleira de reciclaxe da categoría.
  
• Sen datos de usuarios.
• Inclúe unicamente a estrutura do curso con todos os seus recursos e actividades pero sen datos da participación dos usuarios.
• Crearase co fin de trasladar un curso desde a aula virtual dun centro para a aula virtual de outro centro distinto por exemplo con motivo do traslado do profesor ou profesora.
• Pode crearse tamén simplemente como copia de seguridade con fin de gardar distintas versións do curso e nalgún momento poder recuperar o curso enteiro ou algún recurso concreto.
• Pode ser creada por un administrador do sitio ou por un xestor da aula virtual, pero tamén polo profesor/a de cada curso.

Para qué NON se deben crear as copias de seguridade:

• Para duplicar un curso dentro da mesma aula virtual. As versións actuais de Moodle incorporan unha función para duplicar un curso sen necesidade de crear e logo restaurar unha copia de seguridade do curso de orixe. Esta función está dispoñible só para os usuarios administradores do sitio ou co rol de xestores.
  
• Para recuperar actividades ou recursos en caso de borrado accidental. As versións actuais de Moodle incorporan unha papeleira de reciclaxe en cada curso desde a que se pode recuperar calquera recurso ou actividade borrada, recuperando tamén de ser o caso os datos da participación dos usuarios, durante os 7 días posteriores ao borrado.
  
• Para recuperar o curso enteiro en caso de borrado accidental do mesmo. Igualmente, cada categoría de cursos ten unha papeleira de reciclaxe desde a que se poden recuperar os cursos borrados durante os 7 días posteriores ao borrado.
• Para recuperarse de borrados accidentais masivos. Para o caso de borrados masivos accidentais como pode ser por exemplo o borrado masivo de usuarios ou o borrado de categorías incluindo os cursos, existe un sistema centralizado de copias de seguridade diarias desde o que se pode facer unha recuperación en caso de necesidade.
  

Copias de seguridade demasiado grandes.

No proxecto Webs Dinámicas está establecido en 800 Mbytes o límite ao tamaño máximo de cada ficheiro que se pode subir. O motivo para limitar o tamaño dos ficheiros está e que mentres se sube un ficheiro á plataforma, un núcleo dun dos procesadores dos servidores que atenden o servizo está adicado exclusivamente á subida do ficheiro e ter núcleos adicados a isto e vez de atender outro tipo de peticións dos usuarios pode afectar significativamente ao rendemento da plataforma.

Cando logo de crear unha copia de seguridade dun curso o seu tamaño resulte maior que 800Mbytes, debe esgotarse esa copia e no seu lugar facer varias copias do curso cada unha delas con distintas partes do mesmo, de xeito que a unión de todas as partes  compoñan o curso completo.

Procedemento de copia de seguridade dun curso Moodle.

• Os usuarios co rol de Profesor/a nun curso poden facer as copias desde dentro do curso por medio da opción Copia de seguridade no menú de administración do curso.
• Os usuarios administradores do sitio ou co rol de xestores poden facelo tamén desde a páxina de administración de cursos e categorías: Administración do sitio, Cursos, Administrar cursos e categorías.
  

Menú de administración do curso no tema Boost	Menú de administración do curso no tema Classic

• Paso 1. Axustes iniciais.

• De ser o caso marcamos a opción para incluir os datos de usuarios:

Se non temos permiso para incluir os datos dos usuarios	Inclíndo os datos dos usuarios	Sen incluir os datos dos usuarios

• Tamén se pode decidir se incluir ou non as actividades e recursos, os bloques, os ficheiros, os filtros, as actividades do calendario, o banco de preguntas, os grupos e agrupamentos, as competencias, os campos personalizados, e o contido do banco de contido.
• E prememos no botón seguinte.

• Paso 2. Axustes do esquema.

• Elexir que elementos do curso se incluirán na copia de seguridade.

Nesta pantalla hai dúas columas: Na da esqueda aparecerán, agrupados por seccións, todos os recursos e actividades que ten o curso; e na columna da dereita poderase elixir para cada un dos anteriores elementos se incluir ou non os datos dos usuarios (só no caso de que se este a facer unha copia con datos de usuarios).

Na cabeceira de cada columna temos os enlaces Todo / Ningún que facilitan marcar ou desmarcar todo nun só clic. Por defecto aparecerá todo marcado.

Premendo no enlace "Amosar as opcións de tipos" poderase facer a selección de todo ou nada por cada tipo de recurso ou actividade que temos no curso.

Para facer a copia de seguridade do curso en varias partes menores de 800Mbytes, é nesta pantalla na que se pode marcar só parte das seccións do curso para incluilas na copia.

• Feita a selección premer no botón Seguinte.

• Paso 3. Confirmación e revisión.

• Poñer un nome para o ficheiro de seguridade e comprobar que a selección previa é correcta.

Moodle ofréce un nome para o ficheiro no que se gardará a copia de seguridade. Este nome inclúe o identificador do curso (no exempo: 11), o nome curto do curso (raa), a data e hora actuais, e no caso de que non esteamos incluido os datos dos usuarios engade o sufixo 'nu' (not users).

Pódese modificar o nome deste ficheiro ao noso gusto sempre respectando a extensión .mbz

Se estamos a facer a copia do curso en varias partes convén que modifiquemos o nome do ficheiro para indicar a que parte corresponde.

Nesta pantalla pódese ver ademáis a selección de elementos a incluir feita na pantalla anterior. En caso de detectar algún erro podemos voltar atrás.

• Establecido o nome do ficheiro e comprobada a selección premer no botón "Facer a copia de seguidade"

• Paso 4. Facer a copia de seguridade.

• Moodle amosará unha barra de progreso durante o tempo que tarde en completar a copia

• Paso 5. Completo.

• Unha vez finalizada a creación da copia amosará a seguinte mensaxe.

• Ao premer no botón Continuar, leva á paxina "Restaurar" do curso na que se pode acceder ao novo ficheiro de copia de seguridade.

• Páxina "Restaurar" do curso.

Nesta páxina temos dúas areas de copias de seguridade con distintos ficheiros:

Para cada unha das dúas áreas de copias de seguridade hai un botón "Xestionar os ficheiros de copia de seguridade" donde é posible eliminar os ficheiros existentes ou subir outros ficheiros de copia de seguridade.

• Descarga do ficheiro de copia de seguridade.

Una vez finalizada a creación da copia de seguridade pode ser descargada para almacenala nun medio de almacenamento permanente.

Para facelo simplemente temos que premer no enlace "Descargar" á dereita do ficheiro e seleccionar o dispositivo e cartafol do ordenador no que o queremos gardar.

• Una vez descargado o ficheiro, pódese eliminar aforrando así espazo de disco nos servidores.

• Premer no botón "Xestionar os ficheiros de copia de seguridade" da área na que está o ficheiro que queremos eliminar.

• Amosar os ficheiros en modo detalle para identificalos máis doadamente e premer sobre o nome do ficheiro que se quere eliminar.
  

• Premer sobre o botón Eliminar.
  

• Confirmar o borrado.
  

• Por último gardar os cambios feitos.