IES Castelao

                                         Hoyos                                Louis Sachar                                        

Esta novela convídanos a reflexionar sobre o bo que é traballar en equipo, segundo Hiwot, xa que Zero e mais Stanley, malia o moitísimo que lles custou saír do campamento Lago Verde, xuntos conseguírono. Tamén nos fai reflexionar sobre o importante que son os amigos, porque eles o eran.

            Adrián fai notar como nesa gran amizade, Stanley e Zero saen beneficiados, xa que Stanley aprendíalle a ler e escribir a Zero e este axudábao a el cos foxos, para acabaren a un tempo. Eses foxos que, como di Antía, temos que pensar para que teñen que facelos eses rapaces, obrigados a estar nese campamento para cambiar de conduta; alí pásano realmente mal.

            No caso de Stanley, con todo, trátase dun equívoco: simplemente, como di Izan, estaba no lugar equivocado no momento equivocado e foi acusado dun roubo que non cometera.

            E ese campamento é un lugar que sufriu unha forte transformación: segundo André chama a atención que un lago precioso se convertese nun campamento para nenos malos, nun reformatorio.

            Todos coinciden en que é unha novela de fácil lectura pola linguaxe empregada, aínda que conta varias historias en tempos diferentes, e divertida polos motes que levan os rapaces. Xaime, non obstante, suxire que se podería cambiar o final, facendo que Stanley e Zero abrisen o maletín e obtivesen os cartos do tataravó de Stanley e que a súa familia adoptase a Zero.

Alumnado da 2ª parte de 1º ESO-C

Louis Sachar