IES Castelao

Anagnórise                                  Mª Victoria Moreno

Un grupo de alumnos de 3º A lemos e comentamos este trimestre a obra Anagnórise de Mª Victoria Moreno.

A novela cóntanos a historia de  Nicolau Arís, un rapaz con problemas que un día decide deixar os estudios no Instituto e marcha a Madrid co propósito de encontrar a uns amigos que se dedican a negocios relacionados co tráfico da droga. A viaxe en autostop faina cunha muller intelixente, de nome celosamente oculto, que o recolle na estrada, e coa cal fala durante as horas que pasan xuntos dentro do coche. Os diálogos van revelando a  personalidade de ambos. Xa no destino, Nicolau e a súa amiga ocasional sepáranse sen que o rapaz saiba o nome dela. Ó remate, despois de que Nicolau entre en contacto cos compañeiros que o agardan en Madrid, irá buscar a súa amiga. Só entón saberá o seu nome.

A obra gustounos moito á maioría do grupo, pois fala dunha historia bastante realista e trata de moitos problemas da vida cotiá da xente da idade de Nicolau. Tamén se poden ver as preocupacións, os cambios, avances e reflexións do protagonista ao longo da viaxe.  Fíxonos reflexionar sobre todo o que conta.

Valoramos a obra como moi entretida. Destaca o personaxe de Xulia, a intriga que se mantén sobre quen será esta muller  e o xiro inesperado do final: era a nai de Natalia, a “moza” do protagonista.

                                                                              Lucía Prieto, Ainhoa Marcos, Noelia  Carollo e Candela Estévez