IES Castelao

Os nenos da varíola

                                       María Solar

Os membros do Club de Lectura de novela histórica lemos ao longo do mes de marzo esta novela de María Solar que levou o Premio Fervenzas Literarias 2017 ao Mellor Libro Xuvenil do ano e o Premio Gala do Libro 2018 na categoría de Mellor Obra Xuvenil.

A historia sitúanos na Coruña do 1803. A través da acción coñecemos a pobreza da época, que obrigaba aos país a deixar os nenos no hospicio por falta de recursos. Ás veces, poucas, cando os país melloran economicamente volvían recollelos. Noutros casos os nenos eran abandonados alí por diferentes circunstancias.

Pola historia sabemos tamén dun importante feito médico: a Real Expedición Filantrópica da varíola, na que participaron rapaces de diferentes orfanatos. Así achégasenos a unha das aventuras máis importantes da historia da humanidade, protagonizada por uns nenos que non tiñan idea de facerse heroes.  Nos seus pequenos corpos, brazo a brazo, levaron a vacina da varíola a América. Sacados deste  hospicio da Coruña e dos de  Santiago e Madrid, cruzarán o  perigoso Atlántico formando parte da Expedición do doutor Balmis e na que Isabel Zendal, a directora do orfanato, xogará un papel determinante.

Dos personaxes destacamos a Ezequiel, que conseguiu mellorar de vida; a Clemente e Valentina polo seu cariño e a Isabel Zendal, que non abandona aos seus nenos na travesía a  América.

                                      Malena, Noelia e Rosalía  (3º ESO A)