IES Camilo José Cela

Día 10 de setembro, martes:

12:00. Presentación de 2º, 3º e 4º de ESO.

2º ESO A: Aula de Música.

2º ESO B: Aula de Matemáticas 3.

3º ESO A: Aula de Física e Química.

3º ESO B: Aula de Matemáticas 1.

3º ESO PDC: Aula de Clásicas.

4º ESO A: Aula de Tecnoloxía.

4º ESO B: Aula de Inglés 1.

12:00. Entrega de libros de 2º ESO (Biblioteca).

12:30. Presentación de 1º ESO (Salón de actos).

12:45. Entrega de libros de 1º ESO (Biblioteca).

Día 11 de setembro, mércores:

08:45-14:25. Inicio das clases en horario normal para ESO e Bacharelato. Funcionamento habitual do transporte escolar.

08:45-09-35. Presentacións de Bacharelato. Logo continuarán as clases seguindo o horario normal.

1º BAC A: Aula de Matemáticas 2.

1º BAC B: Salón de actos.

2º BAC A: Aula de Filosofía.

2º BAC B: Aula de Inglés 2.

09:30. Entrega de libros de 3º de ESO (Biblioteca)

11:00. Entrega de libros de 4º ESO (Biblioteca)

Comunicamos que están expostas no vestíbulo do centro as listaxes provisionais do fondo de libros de texto e material escolar para o vindeiro curso 2024-2025.

Rematou outro curso, pero non un calquera: este 2023-2024 foi curso do 50 aniversario do centro, que foi celebrado con diferentes actividades. O 21 de xuño tivo lugar no Auditorio de Padrón o acto final, en que Xosé Manuel González Reboredo, membro do Consello da Cultura Galega e antigo profesor no centro, pronunciou a lección final de curso. Marisel Véliz (a primeira directora) trasladounos as súas lembranzas e Anxo Angueira, escritor e académico da RAG, rememorou os seus tempos de estudante no noso centro.

Tamén participaron Chus Senín, directora entre 2007 e 2011, a alumna da primeira promoción Marisel Llerena e os alumnos Ricardo e Manuel Babío Arcay, pertencentes á primeira xeración que inaugurou o edificio actual do instituto. Para rematar, proxectouse un vídeo que lembra distintos episodios reivindicativos que aconteceron no centro, realizado polo profesor Lois Gil Magariños. Podedes velo premendo na imaxe.

O prazo oficial de matrícula para o vindeiro curso vai do 23 de xuño ao 7 de xullo.

Para organizar o proceso, establécense as seguintes datas de matriculación por niveis:

Martes 25 de xuño: matrícula de 2º de Bacharelato.

Mércores 26 de xuño: matrícula de 1º de Bacharelato e 4º de ESO.

Xoves 27 de xuño: matrícula de 3º de ESO.

Venres 28 de xuño: matrícula de 2º de ESO.

Luns 1 de xullo: matrícula de 1º de ESO.

Lembramos que permanece aberta a convocatoria de axudas para a adquisición de libros de texto e material escolar para o vindeiro curso 2024-2025. O prazo de solicitude remata o 21 de xuño de 2024. Pódese consultar toda a información no apartado Libros de texto desta mesma web, ao que se pode acceder premendo no seguinte enlace. No mesmo apartado está dispoñible a listaxe de libros de texto para o curso 2024-2025, que se pode tamén consultar premendo aquí.

Informamos de que os títulos correspondentes ao alumnado que rematou os seus estudos de ESO e de Bacharelato en 2022 están dispoñibles para a súa recollida nas dependencias da administración do centro.

O pasado 15 de abril, o alumnado de 4º de ESO e 1º de Bacharelato desfrutou dun encontro con profesoras e profesores que deixaron unha importante pegada no IES Camilo José Cela. Bieito Silva, Rita Amigo, Encarna Otero e Emilio Crespo conversaron co alumnado sobre as súas experiencias como docentes e cargos directivos no centro en diversas etapas. A reunión celebrouse no marco dos actos de conmemoración do 50 aniversario do IES.

Todos e todas lembraron con agarimo o seu paso por Padrón e achegaron interesantes reflexións sobre distintos aspectos do ensino público e sobre as súas vivencias ao longo da súa carreira docente. O alumnado participou activamente na conversa.