IES Camilo José Cela

Comunicamos que a día de onte, xoves 3 de novembro, quedou constituída a Xunta Electoral que regulará as eleccións a representantes no Consello Escolar do IES Camilo José Cela dos distintos sectores da Comunidade Educativa. Renovaranse dous/dúas representantes do alumnado, un ou unha representante dos pais, nais ou titores/titoras legais e tres representantes do profesorado.

O prazo de presentación de candidaturas dos distintos sectores estará aberto ata o luns 14 de novembro ás 13:00 horas. As persoas interesadas deberán inscribir a súa candidatura nas dependencias de administración do centro.

Nos seguintes enlaces pódese consultar a información detallada por sectores:

Convocatoria alumnado

Convocatoria familias

Convocatoria profesorado

Lémbrase ás familias beneficiarias dos vales de 50 euros para material escolar que poden pasar polo centro a retirar o vale adicional de 25 euros. Recoméndase pasar canto antes, xa que estes vales deben empregarse nas librerías antes do 1 de decembro.

No día de onte saíu publicada a Resolución provisional de centros públicos beneficiarios das axudas para a realización de probas de nivel lingüístico para o alumnado en linguas estranxeiras.

O alumnado de 2º de Bacharelato do IES Camilo José Cela que presentou a solicitude foi seleccionado na súa integridade para recibir a subvención para a realización das probas. Pódese consultar a listaxe de centros e cursos seleccionados no seguinte enlace.

O alumnado que presentou solicitude deberá consultar ao seu profesorado de linguas estranxeiras para recibir asesoramento sobre a proba e será informado en breve das posibilidades para a súa realización.

Informamos ás familias de que, a partir do 22 de xullo, poden consultar no taboleiro da entrada do centro a listaxe definitiva do fondo de libros de texto. A entrega dos libros realizarase en setembro, antes do inicio das clases (día 8 de setembro). Avisarase por este medio das datas e horarios de recollida.

A partir o 26 de xullo estarán a disposición os vales de material escolar na oficina do centro. Poderanse recoller en horario de 9:00 a 14:00.

A Resolución do 10 de xuño de 2022, da Direccion Xeral de Ordenación e Innovación Educativa pola que se regula a xestión de probas de nivel lingüístico para o alumnado que curse estudos durante o curso 2022/2023 en centros públicos dependentes da Consellería de Cultura, Educación, Formación Profesional e Universidades, regula a xestión de probas de nivel lingüístico (B1, B2 ou C1) para o alumnado que curse 4º de ESO, 1º de BAC e 2º de BAC no curso 2022/2023.

O alumnado interesado e os seus responsables legais deberán cubrir un compromiso de participación e entregalo asinado na oficina do centro antes de setembro. O impreso para cubrir figura como adxunto ao final desta nova e pódese descargar premendo neste enlace.

O alumnado escollerá, asesorado polo profesorado de lingua estranxeira, o nivel de competencia da proba á que se presentará. Cada alumno e cada alumna poderá matricularse nunha única proba dunha lingua, que será, preferentemente, a cursada como primeira lingua estranxeira. O centro seleccionará as probas ás que se presentará o alumnado con criterios de comodidade e proximidade. As familias encargaranse do traslado ao lugar do exame en caso de que este non se poida realizar no propio centro educativo.

A realización destas probas, que se desenvolverán durante o curso 2022/2023, recibirá financiamento da Consellería de Cultura, Educación, Formación Profesional e Universidades. Se a dotación económica non fose suficiente para cubrir todas as demandas de alumnado interesado, o centro seleccionará o alumnado participante por rigorosa orde de entrada da solicitude no rexistro do centro.

Están xa actualizadas as listaxes de libros de texto para o curso 2022-2023. Pódense consultar no apartado correspondente desta mesma páxina ou no seguinte enlace.

Informamos de que, logo do remate das clases o día 22 e das avaliacións final e extraordinaria do día 23, estableceremos o seguinte calendario:

Luns 27 de xuño

Entrega de notas e petición de revisión de exames: entregaranse ás 11:00 as de BAC e ás 11:30 as de ESO.

Luns 27 e martes 28

Presentación de reclamacións de cualificacións de 2º de Bacharelato.

Martes 28 e mércores 29

Presentación de reclamacións de ESO e 1º de Bacharelato.

DATAS DE MATRÍCULA

Luns 27 de xuño: 2º BAC

Martes 28 de xuño: 1º BAC e 4º ESO

Mércores 29 de xuño: 3º ESO

Xoves 30 de xuño: 2º ESO

Venres 1 de xullo: 1º ESO