IES Camilo José Cela

Xa se poden consultar, unha vez resolto o prazo de reclamacións, as listaxes definitivas das Axudas Le.

Pódense consultar na páxina web do programa, no seguinte enlace:

http://www.edu.xunta.es/axudasle

A Subdirección Xeral  de Ordenación e Innovación Educativa e Formación do Profesorado acaba de facer públicas, con data do 16 de abril, as listaxes de solicitudes para as axudas de formación en linguas estranxeiras (Axudas Le), que foran convocadas pola Orde do 4 de febreiro de 2019 (DOG do 20/02/2019).

As listaxes publicadas inclúen as solicitudes con documentación correcta, as que precisan de emenda nalgún aspecto a as solicitudes excluídas (por estar fóra de prazo ou por non cumprir algún dos requisitos).

Estas listaxes pódense consultar na páxina web das axudas, no seguinte enlace:

https://www.edu.xunta.es/axudasle/

 Ábrese un prazo de reclamación de 10 días naturais. Remata o 26 de abril.

No DOG do 20 de febreiro publícase a Orde do 4 de febreiro de 2019 pola que se convocan axudas para a realización de actividades de formación en linguas estranxeiras no ano 2019, destinadas ao alumnado dos centros docentes sostidos con fondos públicos, en réxime de concorrencia competitiva.

O prazo de presentación de solicitudes comeza o 21 de febreiro e remata o 20 de marzo.

O seguinte enlace conduce á aplicación en liña para a xestión das solicitudes e á información sobre o proceso:

https://www.edu.xunta.es/axudasle/

O martes 30 de outubro, ás 10:25 (1º recreo) realizarase o sorteo público para a designación dos membros da Xunta Electoral que organizará e supervisará o procedemento de elección de membros do Consello Escolar.

A renovación parcial do Consello Escolar realízase no primeiro trimestre do presente curso 2018-2019, segundo as directrices que marca a Resolución do 25 de setembro de 2018, conxunta da Dirección Xeral de Educación, Formación Profesional e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos.

A Xunta Electoral estará constituída por: o director do centro, un profesor ou unha profesora, unha nai /pai / representante legal, unha / un representante do persoal de administración e servizos e unha alumna ou un alumno. Os últimos catro serán os representantes elixidos no sorteo público.

O alumnado do IES Camilo xa está preparado para a estrea do musical que levan preparando todo este ano. Será o próximo 1 de xuño, en horario de mañá para todos os alumnos e todas as alumnas do IES e ás 20:00 para o público de Padrón que queira asistir. Animádevos a achegarvos o 1 de xuño ao Auditorio de Padrón!!

• Listaxe de libros de texto de ESO para o curso 2023-2024
• Listaxe de libros de texto de Bacharelato para o curso 2023-2024