O alumnado de 1º de ESO participa en Ferrol nunha xornada mariñeira enmarcada dentro do programa creado pola Consellería do Mar “Ti si que es un bo peixe”, que ten por obxectivo principal coñecer os beneficios de consumir produtos do mar. 

As actividades realizadas serviron para que puidesen coñecer no porto os distintos tipos de embarcacións, artes de pesca e especies que se capturan. Tamén visitaron a lonxa local, onde comprobaron como é o proceso de primeira venda dos produtos pesqueiros e marisqueiros, como se celebra unha poxa e a importancia do etiquetado.

Tamén recibiron explicacións “in situ” ,na praza de abastos, para coñecer os diferentes tipos de peixe, crustáceos e bivalvos. 

Finalizaron a mañá cunha rica merenda Mariñeira.

No IES Breamo celebramos o día de Rosalía con lecturas de poemas, a proxección da curtametraxe "A rosa incandescente", e coa degustación do Caldo de Gloria.

A profesora de lingua e literatura galega no centro, Anxos García Fonte, é a guionista e produtora de A rosa incandescente, unha curtametraxe premiada no Aracnea Film&Book Festival de La Castellaneta, na Puglia (Italia).

Na presentación Anxos resaltou a Rosalía como a nosa poeta nacional, e que é unha das primeiras que escribiu e reivindicou con forza a lingua e a cultura do seu país deixándonos unha visión crítica da sociedade que lle tocou vivir.

“A rosa incandescente” é o nome dun proxecto que pretende devolvernos unha imaxe fresca de Rosalía de Castro. Ten dúas partes que se completan; por un lado unha curtametraxe na que Rosalía fala de si mesma e das razóns polas que escribe (diálogo directo co espectador e achegalo así a algúns dos aspectos fundamentais da súa vida e obra), e polo outro, unha unidade didáctica na que se amosa o proceso de elaboración da curta co sentido de comprobar a relación entre a linguaxe cinematográfica e a literaria. A profesora Anxos García Fonte é quen asina “A rosa incandescente” consciente de que a figura de Rosalía estase a revalorizar cada día.

Good Morning, benvidos e benvidas ao gran  entroido, a EumeWood 2023 no noso IES Breamo, o noso espectacular centro de ensino, onde podemos encontrar personaxes tan peculiares como vós e coma nós. Así comezaba o espectáculo o pasado venres 17 de febreiro.

Moitísimas grazas ao Concello de Pontedeume e á ANPA APERTA pola súa colaboración. 

O venres 10 de febreiro o alumnado de 1º de ESO asistiu á representación Tambores de paz da compañía de teatro Transeduca. Desprazáronse ata  A Coruña coas súas profesoras Ana Allegue, Cristina Fernández, Rosa Mourelle e Glafira Fernández-Campoamor. Ademáis de ver a  obra, que logo comentaron na clase, tiveron a oportunidade de manter un diálogo cos actores aos que lles fixeron todo tipo de preguntas sobre a súa traxectoria, sobre o texto e outros aspectos da representación. Foi un xeito distinto de acercarse á literatura, ao mundo do espectáculo en directo e a certos temas que nos preocupan a todos: os conflictos, a violencia, o amor e a amizade.

Esta semana o alumnado de 3º ESO tivo varias saídas á praia da Madalena organizadas polo Dep. de  Bioloxía. 

Acompañados de dúas persoas do CEIDA (Centro de Extensión Universitaria e Divulgación Ambiental de Galicia), que promove a educación ambiental en todos os sectores sociais, tiveron a oportunidade non só de recoller lixo, senón tamén de clasificalo. 

Recolleron ata 72 kg de lixo!

Hoxe tivemos unha nova charla dentro do programa de actividades de Divulgación da UDC.

A de hoxe, presentada por Manuel Francisco Herrador Barrios, "Tsunamis, terremotos e inundacións: a Física no cine de  catástrofes", foi dirigida ao alumnado de 4° de ESO.

Interesante, divulgativa e moi entretida.

Alumnado de 2º de bacharelato que cursa de historia da arte e análise musical se desprazan a Santiago de Compostela para visitar a exposición “Camiños Creativos” (na Cidade da Cultura), asisten ao concerto "Xogo de espellos" (unha proposta de música electrónica coa orquestra Real Filharmónica de Galicia) e para rematar fixan a súa mirada no Pórtico da Gloria.

Neste segundo encontro da escola de pais e nais do IES Breamo, o psicólogo Ricardo Fandiño fálanos de como se modificaron as problemáticas máis relevantes na adolescencia ao longo dos anos; poñendo, neste momento, o acento na saúde mental e emocional. 

Desde o seu punto de vista profesional, sitúanos na mente dos nosos fillos e fillas para poder acompañalos neste camiño dunha forma exitosa. 

O poñente para esta segunda xornada é Ricardo Fandiño, psicólogo clínico, experto en adolescencia y presidente de ASEIA (Asociación para a Saúde Emocional na Infancia e na Adolescencia).

Baixo o título “Adolescencia e saúde emocional: entre a comunicación e os límites.

O obxectivo é analizar de forma compartida cal é a actualidade da saúde emocional na adolescencia e como podemos situarnos os adultos na relación con eles.

Traballar con adolescentes non supón só salvar unha distancia xeracional, senón que poderiamos estar a tratar con suxeitos dunha nova especie. Debemos situarnos como o antropólogo que se achega a unha nova cultura, da que non sabe, pero desexa saber. 

Para iso, habemos de introducirnos nese novo mundo evitando distorsionalo co noso rumbo etnocentrista, que neste caso sería adultocéntrico.

Queda sinalada, por tanto, unha nova normalidade que desafía os nosos construtos teóricos e a nosa experiencia. A este reto enfrontámonos no noso traballo cotián, na escola, na clínica, nas institucións, coas nais, os pais e os profesionais.    

ANPA Aperta e equipo directivo do IES Breamo.

PREME NA IMAXE PARA VER O BOTETÍN INFORMATIVO.