blog da biblioteca

AraOnda, a radio do CRA quere comezar a funcionar pero, antes disto, cómpre que acheguemos este medio ás nenas e aos nenos. Presentámosvos un pequeno vídeo co que repasar qué é, para qué serve ou cómo se fai a radio. Agardamos que vos axude.

                                  

As historias de medo e de terror son ás veces fonte de diversión para os máis pequenos, por iso, dende a biblioteca fixemos unha gran selección de contos terroríficos para ler ao noso alumnado nestas datas tan especiais.

Animádevos e desfrutade destas lecturas.

Para conmemorar o día das escritoras escollemos o conto "Cierra los ojos" da autora Victoria Pérez Escriva e ilustrado por Claudia Ranucci. É un conto que nos anima a ver más alá do que os nosos ollos poden percibir.

Esperamos que o disfrutedes!

A escola acaba de comezar e nos xá estamos poñendo en marcha a nosa biblioteca!

Colocando, movendo, actualizando e creando para ofrecer a todo o noso alumnado a mellor oferta de contos, xogos, materiales… posible!

Con moita ilusión estamos preparando cambios especiais tras a xubilación da nosa mascota Caselín.

Agora mesmo, como podedes ver no collage, está todo un pouquiño desordenado pero non vos preocupedes que o mellor está por vir.

Vémonos moi pronto!

Este verán mergúllate en novos mundos a través das nosas recomendacións lectoras.

Agardamos que vos gusten e que leades moito durante as vacacións.

Ademais o alumnado de 5 anos C tamén elaboraron este vídeo cunhas recomendacións lectoras para este verán.

Desfrutade moito das vacacións!!!

Os nenos e nenas das parroquias estes días desfrutan moito na biblioteca escolar.

A finais de maio o alumnado do CRA Raíña Aragonta visitou a biblioteca municipal de Salceda de Caselas.

O obxectivo desta actividade era inculcar e fomentar o hábito e o pracer da lectura nos nenos e nas nenas.

Moitas grazas ás bibliotecarias (Cibeles e Eva) por mostrarlles aos nenos e nenas este espazo tan especial e máxico.

Por fin chegou o momento de que o noso alumnado coñeza o ESPAZO CASELARTE!!!

Foi un día cheo de emocións e alegría!!!

O noso alumnado estaba moi emocionado de ver a súa gran obra mestra exposta no museo e desfrutaron moito observando as creacións dos seus compañeiros e compañeiras.

Un museo é un lugar aberto ao público onde se expoñen coleccións e obxectos da cultura. Os museos axúdannos a aprender a apreciar a historia, a arte e a cultura dun país.

Os nenos e nenas do CRA Raíña Aragonta tiveron o pracer de expoñer as súas obras artísticas no “ESPAZO CASELARTE”, un pequeno museo que estivo situado no primeiro andar da Casa da Cultura Castelao.

A través da seguinte creación interactiva podedes observar os traballos artísticos que presentou o noso alumnado e acceder aos vídeos explicativos.

Esperamos que vos gusten.