O CRA Ponte da Pedra

“Todas as persoas utilizamos elementos, obxectos, ... que noutrora foron soñados por alguén”

Dun comentario coma este, podemos pensar que todas/os somos usuarios dos soños doutra persoa que, gracias ao seu esforzo, talento e constancia, lle deu forma e chegou a facelo realidade.

A formación deste CRA foi o soño dun grupo de mestras, no que se atopaba Isabel, mestra de Sísamo, á que hoxe lle dedicamos a nosa particular homenaxe.

É importante destacar o teu labor educativo durante os 32 anos a prol da escola rural; sendo Carballo, concretamente, o lugar onde decidiches desenvolver a túa carreira profesional e onde varias xeracións de nenas e nenos creceron contigo.

Agradecerche as túas achegas, experiencias e consellos en calquera situación que se che pide. A ilusión, o ánimo e a seguridade que nos transmites nas iniciativas que se che propoñen.

Gracias por formar parte das nosas vidas.

Aquí queda a túa casa, á que sempre serás benvida!

MATRÍCULA 23/24

O prazo para a formalización da matrícula do vindeiro curso abrangue desde o día 20 ata o 30 de xuño.

Deberá entregarse na sede do CRA, o formulario de matrícula (Anexo III) xunto coa documentación que se detalla a continuación:

- ANEXO III (documento formalización matrícula).

- Fotocopia da tarxeta sanitaria.

- Fotocopia de cartilla de vacinacións.

- Unha fotografía tamaño carnet.

- Impreso das autorizacións.

- Enquisa Galego Equipo de Dinamización Lingua Galega.

O horario de atención ao público é de 10 a 13h de luns a venres.

DÍA NACIONAL DA LINGUA DE SIGNOS

Con esta actividade conxunta queremos visibilizar e difundir a imaxe positiva das linguas de signos e, por tanto, das persoas xordas e xordocegas, converténdoa nunha ferramenta imprescindible para a construción de igualdade, solidariedade e xustiza.

O lema deste ano é:

"Lingua de signos para unha vida plena"

Desde o CRA Ponte da Pedra queremos desexarvos un feliz día da Lingua de Signos.

As nenas e nenos do CRA signaron a fermosa canción "Fronteiras" de Guadi Galego, quen tamén participou no vídeo e agradecémoslle a súa colaboración.