A biblioteca central do CRA está na escola de Paradela, que tamén é o noso "Laboratorio Creativo de Aprendizaxes". Alí acoden os nenos e as nenas de Xuntanzas. Entre outras cousas, e ademais dunha morea de libros, dispoñen de: croma e cámaras para gravar televisión ou cine, varias tablets, disfraces, xogos lóxicos e manipulativos, construcións, un pequeno laboratorio (xunto coa charca no patio), o estudo de radio onde gravamos os programas de Rabu-Radio (Radio na biblio)...
Abre os mércores pola tarde de 16:00 a 18:00 para todo o alumnado do CRA e ex-alumnos que queiran visitarnos.
