Inspirándonos no conto "A primeira semana na escola de vacas", estivemos acompañando a Daisy nas súas aventuras. Así,
O luns tivemos clase de muuuvemento co profe Marcos.
Ao día seguinte, o martes, tivemos clase de múúsica co profe Antonio.
O mércores aprendemos a pintar cos pezuños.
O xoves tocou clase de remoer na palla.
O venres traballamos as formas e tamaños cunha proposta que eles mesmos definiron como unha 'porcallada' moi divertida: a creación da nosa propia plastilina coa que nenos e nenas crearon as súas bostas!
E, como Daisy, rematamos a semana dando clases de voo! saltando cara arriba e caendo para abaixo coa nosa cometa! Unha semana muuuu divertida!
