NESTE MES DE MAIO CONMEMÓRASE O DÍA DA RECICLAXE, UNHA ACCIÓN MOI IMPORTANTE PARA A CONSERVACIÓN DO MEDIO AMBIENTE. PERO MOITO MÁIS IMPORTANTE E PREVIO É REDUCIR A CANTIDADE DE LIXO QUE QUEDA TIRADO POLO CHAN. CONCIENCIANDO ÓS NOSOS NENOS E NENAS, O MARTES SAÍMOS Á RIBEIRA DO NOSO RÍO PARA FACER UNHA BATIDA DE RECOLLIDA DE LIXO, TRES BOLSAS DE BASURA RECOLLEMOS, SENDO A GRAN MAIORÍA DE PLÁSTICO. PLÁSTICO QUE CON ESTA ACCIÓN, ADEMÁIS DE CONCIENCIAR SOBRE A NECESIDADE DE MANTER O MEDIO LIMPO, EVITAMOS ACABASE NO MAR.
FUMOS POUCO TEMPO E POUCAS PERSOAS, PERO TRES BOLSAS DE BASURA RETIRAMOS, IMAXINADE SE TODOS E TODAS ESTIVESEMOS CONCIENCIADOS...
Que atarefadas/os estivemos nas últimas semanas! Todo comezou así:
Rabuñoso precisaba a nosa axuda e nós non íamos dicir que non! Puxémonos mans á obra e comezamos unha investigación exhaustiva sobre quen sería o que se fixo caca na súa cabeza… e chegamos á conclusión de que tiña que ser un paxaro! Pero que paxaro sería?
Para descubrilo, fixemos unha lista con todas as aves que coñecíamos (que non eran poucas!). Pero todas elas vivían na nosa contorna? Todas podían voar? E todas tiñas unhas patas que lles permitían pousarse nas árbores? Respondendo a estas preguntas, fomos descartando algunhas delas... e engadindo outras grazas ás outras escoliñas do noso CRA, que nos deron ideas cos seus disfraces de Entroido!
Aínda así, tiñamos moitas aves que nos cadraban con esas características. Por onde empezar? Por sorte, uns días mais tarde, ao saír ao patio, atopamos unha nota misteriosa acompañada dunha pluma laranxa:
E que paxaros teñen plumas laranxas? O primeiro no que pensamos foi no paporrubio e comezamos a investigar... Pero uns poucos días mais tarde, tivemos unha visita inesperada! Unha pequena paporrubio, á que chamamos Laranxiña, veu á nosa clase con unha nota que dicía que ela non foi! Que alguén se fixera pasar por ela! Como podía ser?
Por sorte, Laranxiña quixo quedar connosco para axudarnos a resolver este misterio, e así, seguimos investigando outras aves: o picapeixe, a andoriña e a bubela foron os primeiros, pero grazas á axuda de Laranxiña descubrimos que ningún deles era o culpable! Ao descartar como sospeitosa á bubela Bela, Laranxiña e ela foron á árbore na que acontecera todo... E sorpresa! Atoparon algunhas plumas... negras! E quen ten plumas negras?
Investigamos ao picapau e ao moucho con estas novas pistas, e o moucho, coa súa sabedoría e misterio á par, contounos unha adiviñanza para axudarnos a atopar ao culpable:
Se o misterio queredes resolver,
unha pista vos darei:
voa no ceo cun gran misterio,
todo negro, tan singular.
Co seu canto imita,
e o seu graznido vibra.
Quen é este paxaro esperto,
que nos fai mirar ao ceo descuberto?
E que paxaro que coñecemos é todo negro? O corvo! Puxémonos a investigalo e descubrimos que é a ave mais intelixente do mundo e que sabe imitar moi ben a outros animais e mesmo aos humanos. Sería el quen se fixo pasar por Laranxiña ao principio da nosa investigación? Todo cadraba!
O certo é que ao día seguinte de que acháramos estes datos, recibimos unha última nota, esta vez do corvo:
Misterio resolto! E polo camiño, aprendemos un montón de cousas sobre as aves! Sabiades que os paporrubios só viven un ano e que os seus ovos son azuis? E que o picapeixe parece azul, pero en realidade ás súas plumas son marróns? Ou que a andoriña fai os seus niños en forma de iglú invertido e que migra no inverno a sitios máis cálidos? E que a bubela faise caca no niño para espantar co seu tufo fedorento aos depredadores? Ou que o picapau é capaz de picar 15 veces por segundo nos troncos das árbores? E que o moucho é capaz de xirar a cabeza case de todo? E que todas as aves teñen en común que son ovíparas, teñen plumas, ás e peteiros, e son vertebradas? O mundo das aves é ben interesante para todo aquel que se queira mergullar!
NON PODEMOS ESTUDAR AS AVES SEN FACER UNHA SAÍDA A VER ALGUNHA MÁIS DAS QUE VEMOS NA NOSA CONTORNA, POLO QUE COLLEMOS O BUS E SAÍMOS DE EXCURSIÓN Á "DEVESA DAS RAPIÑAS".
ALÍ PASAMOS UNHA MAÑÁ MOI INSTRUTIVA E DIVERTIDA, VIMOS MOITAS AVES DE RAPIÑA: DIFERENTES TIPOS DE ÁGUIAS, FALCÓNS, VOITRES, MOUCHOS, BUFOS, E OUTRAS QUE NON ERAN DE RAPIÑA, COMO A CEGOÑA.
FIXEMOS UN DESCANSIÑO PARA MERENDAR, E LOGO LLE DEMOS A MERENDA A UN VOITRE E MESMO NOS SOBREVOOU AS CABEZAS.
ESTAMOS NUNHA SEMANA MOI IMPORTANTE PARA A VISIBILIZACIÓN DA NECESIDADE DO COIDADO DO MEDIO AMBIENTE.
O 20 DE MARZO CHEGA A PRIMAVERA, NO C.R.A. REALIZAMOS CONVIVENCIAS ENTRE ESCOLAS PARA FACER TRES SAÍDAS Á CONTORNA DAS ESCOLAS DE SAN LOURENZO, DE SAN MARTIÑO E DE SAN TOMÉ.
FOI UN DÍA CHEO DE EMOCIÓNS E APRENDIZAXES. COMEZAMOS A XORNADA CONTANDO O CONTO DE PÉTALA, NO QUE VIMOS A IMPORTANCIA DA AUGA, LOGO FIXEMOS UN EXPERIMENTO SOBRE O CICLO DA AUGA E POR ÚLTIMO REALIZAMOS UNHA SAÍDA Ó RÍO. NELA PUIDEMOS ESCOITAR CANTOS DE PAXAROS E ATA VIMOS E RECOÑECEMOS ALGÚN, E VALORAMOS A IMPORTANCIA DA AUGA E DAS ÁRBORES.
O 23 DE FEBREIRO CONMEMORAMOS O DIA DE ROSALÍA DE CASTRO.
COMO ESTAMOS A TRABALLAR AS AVES DA CONTORNA, QUIXEMOS LEMBRARNOS DE ROSALÍA CO SEU POEMA "EU BEN VIN ESTAR O MOUCHO"( POEMA 16 DA SÚA OBRA CANTARES GALEGOS). E APRENDENDO A CANCIÓN QUE O VERSIONA, "O MOUCHO" DE MIGALLAS.
Chegou o Entroido! E en San Lourenzo inauguramolo cunha instalación, que tanto desfrutamos...
E así o festaxamos os paporrubios de San Lourenzo: escoitamos contos, asistimos a un xuízo para averiguar que ave se fixera aquilo na cabeza de Rabuñoso, tivemos unha merendola grazas á colaboración das familias (moitísimas grazas!) e fixemos un desfile ben colorido ata o CPI. Pasámolo en grande!
ESTE ENTROIDO DISFRAZÁMONOS TÓDALAS ESCOLAS DO C.R.A DE AVES DA CONTORNA, TRAXES QUE FIXEMOS NOS TALLERES COAS FAMILIAS. MOITAS GRAZAS, SEN VÓS ESTO NON SERÍA POSIBLE.
O 9 DE FEBREIRO TIVEMOS QUE ADIAR O DESFILE, PERO SI PUIDEMOS FACELO O VENRES 16, NON COMO TIÑAMOS PLANIFICADO INICIALMENTE, PERO PUIDEMOS LUCIR OS TRAXES POLO MOSTEIRO, DESPOIS DE ESCOITAR UNS CONTOS DE PAXAROS, FACER UN PEQUENO TEATRO OS MESTRES E DELEITARNOS CUNHA BOA MERENDOLA APORTADA POLAS FAMILIAS.
