Skip to Content

Recital do Día da Paz

Lun, 09/02/2015 - 13:26 — deplf

As poesías lidas o Día da Paz polos alumnos do centro.

GAÑADORA DO CONCURSO DE FOTOGRAFÍA CIENTÍFICA

Dom, 08/02/2015 - 23:28 — admin

Xa temos gañadora do concurso de fotografía científica convocado pola biblioteca escolar: trátase de Irene Beceiro, de 3ºA ESO, coa sua achega titulada "Lique nunha árbore", unha fermosa composición de luz e texturas onde o enfoque cobra vida e consegue transmitir unha sensación de pureza... 

Para ela son os 30 euros a descontar en actividades extraescolares do centro

Os nosos parabéns

 

GAÑADORA DO CONCURSO DE FOTOGRAFÍA CIENTÍFICA

OS MANDADOS DO MECO 2015

Ven, 06/02/2015 - 14:36 — edprimaria

A vindeira semana recibiremos a visita do Meco Paquito, un personaxe entrañable do Entroido e do colexio, que é un pouco mandón e que nos irá mandando cada día traer unha cousa.

Nesta entrada iredes vendo o que tedes que traer o día seguinte.

O ENTROIDO XA ESTÁ AQUÍ

E OS MANDADOS DO MECO TÉS QUE SEGUIR:

O LUNS PAQUITO ESTÁ MIMOSO,

QUERE UN PELUCHE FERMOSO

OU UN COXÍN BEN CANTOSO.

 

O MARTES TOCA MADRUGAR,

RELOXO GRANDE TRAERÁS

DE CARTOLINA, CARTÓN OU PAPEL TI O DESEÑARÁS

E NA ESCOLA O TIC-TAC ESCOITARÁS.

 

O MÉRCORES MOITO FRÍO VIRÁ

E SE NON QUERES CONXELAR

UNHA BATA TRAERÁS.

 

O XOVES SOPRA O VENTO DO NORDÉS

ZAPATILLAS DE CASA DO DEREITO E DO REVÉS

PARA NON COLLER FRÍO POLOS PÉS.

 

O VENRES PARA REMATAR A SEMANA

TRAE TODO O ANTERIOR

E NOS ESQUEZAS CAMISÓN OU PIXAMA

E AS COUSAS PARA IR PARA A CAMA:

BEN DESPELUXADO OU CON RULOS NA CABEZA,

PODES TRAER UN GORRIÑO PARA DURMIR

BEN TAPADIÑO E BEN QUENTIÑO.

 

SE UN DURMIÑÓN QUERES SER

TODO ISTO TES QUE TRAER!!!!

 

E para que comprobedes que cumprimos cos mandados do Meco Paquito, podedes ver o desfile que fixemos os alumnos e alumnas de infantil e primaria.

CELEBRAMOS O DÍA DA PAZ 2015

Ven, 06/02/2015 - 14:28 — edprimaria

O venres 30 de xaneiro celebramos o Día da Paz. Os alumnos e alumnas de infantil e primaria escribimos unha palabra que nos recordara o que traballamos durante a semana.

Neste vídeo podedes ver as nosas PALABRAS POLA PAZ.

 

Tamén bailamos todos o xuntos a canción "Seguiremos" de Macaco que nos ensinaron os noos profes.

Premendo neste enlace, podedes ver o noso baile.

 

 

 

CONCURSO LARPEIRADAS DE ENTROIDO

Xov, 05/02/2015 - 22:23 — Anónimo

 

 

 

II CONCURSO DE POSTRES TÍPICOS DE ENTROIDO

 

BASES DO CONCURSO ( tamén en pdf no arquivo adxunto)

 

 

1.- O II Concurso de Postres terá lugar o próximo 13 de febreiro no CPI con

motivo da celebración do Entroido.

 

2.- É requisito imprescindible que sexan postres de Entroido.

 

3.- Poderán participar tódolos membros da comunidade educativa que así o desexen. A tal efecto, os interesados en participar deberán inscribirse como participantes, entregando a inscrición ós titores ou na secretaría do centro.

A data límite para inscribirse será o 11 de febreiro.

Como máximo admitiránse 2 postres por inscrición. De cada postre elaborado presentarase unha cantidade suficiente para que o xurado o valore.

Os postres presentaránse o 13 de febreiro no comedor de 9:30 a 11 horas.

Xunto co postre e nun sobre pechado irán os datos do participante e o seu teléfono, así como a receita do postre presentado.

Tódolos postres permanecerán expostos no comedor ata que se produza o fallo do xurado.

 

4.- O xurado estará composto por membros da comunidade educativa. O fallo do xurado daráse a coñecer o mesmo día 13.

Haberá premios para os postres gañadores.

 

-------------------------------------------------------------------------------------------------

INSCRICIÓN CONCURSO POSTRES DE ENTROIDO

( a entregar en Secretaría ou ós titores)

 

 

NOME: …………………………………………………………………………..

 

TELÉFONO: ……………………………………………………………………..

 

POSTRES: ………………………………………………………………………..

 

 

…………………………………………………………………………

Recital do Día da Paz

Ven, 30/01/2015 - 17:55 — biblio

Hoxe celebramos o noso xa tradicional recital do Día da Paz, que este ano tivo que ser no centro e non na Casa de Cultura, como viña sendo habitual, por mor do mal tempo que nos impediu desprazarnos a esta. Alumnos dos catro cursos de ESO recitaron para os seus compañeiros poemas de Ángela Figuera Aymerich, Adonis, Blas de Otero, Anna Akhmátova, Celso Emilio Ferreiro, Miguel Hernández, José Agustín Goytisolo e Eugénio de Andrade. Leron tamén un anaquiño dun discurso de Martin Luther King e outro anaquiño do discurso final que pronuncia Charles Chaplin na película O gran ditador. No blogue da biblioteca podedes atopar diversas entradas sobre este conmemoración e enlaces de interese.

 

OUTRO ÉXITO NA CAMPAÑA DE RECOLLIDA DE ALIMENTOS

Mar, 27/01/2015 - 21:38 — admin

Un ao más, o CPI de San Sadurniño, coas profesoras de relixión Mar Gutiérrez e Manoli Filgueira ao fronte, levou unha campaña de recollida de alimentos e produtos de hixiene para os que máis o precisan, aqueles que nunhas datas tan significativas coma as do Nadal, non teñen a oportunidade de "repetir" prato...

Tanto Mar coma Manoli saben o importante que isto é para moitos e sempre conseguen que a xente se implique e colabore. O resultado: máis de 1000 kg de mercancía que repartimos a partes iguais entre a asociación "Cáritas" e a cociña económica de Ferrol .

No arquivo que se xunta temos o agradecemento expreso desta última institución. 

Non é para menos, nestas ocasións é onde se amosa o verdadeiro sentido do Nadal. Que cunda o exemplo

 

O CPI DE SAN SADURNIÑO FOI SELECCIONADO PARA DESENVOLVER CATRO LIÑAS DE CONTRATOS-PROGRAMA NESTE CURSO

Ven, 23/01/2015 - 20:43 — Anónimo

No día de hoxe ven de saír a resolución provisional de contratos-programa na que o CPI de San Sadurniño desenvolverá catro liñas: Plan PROA, Mellora da convivencia (proxecto LOVA), Excelencia e mellora da calidade nos centros. 

FESTIVAL DE PANXOLIÑAS

Xov, 01/01/2015 - 21:37 — edprimaria

O pasado venres 19 de decembro celebrabamos no patio cuberto o noso Festival de Panxoliñas, con pezas cantadas e temas instrumentais interpretados polo alumnado de Educación Infantil e de Educación Primaria.

Facendo clic nas seguintes imaxes poderedes ver as diferentes actuacións que se realizaron. A calidade de imaxe dos vídeos non é moi boa por mor da iluminación, aspecto que esperamos solventar en seguintes edicións.

                              

                    

                                

                   

SEGUINTE PASO NA OPERACIÓN QUILO

Xov, 18/12/2014 - 23:39 — admin

Os produtos de recollida da campaña de recollida de alimentos e enseres para os máis necesitados xa están en camiño. A furgoneta da cociña económica de Ferrol encheuse de material doado polos máis solidarios. As máis sinceras felicitacións para todos os implicados na campaña, que sobre todo tendo en conta os tempos que corren, é máis salientable aínda.

 

SEGUINTE PASO NA OPERACIÓN QUILO
Distribuir contido


by Dr. Radut