Un curso máis, púxose a dispor do noso centro o Plan Director para a convivencia e a mellora da seguridade nos centros educativos e nos seus contornos. O Plan, impulsado dende a Delegación do Goberno en Galicia e a Alta Inspección de Educación, ofrece aos centros a posibilidade de contar con charlas informativas/formativas sobre temáticas como: acoso escolar, drogas e alcohol, violencia de xénero, novas tecnoloxías, bandas xuvenís, etc., impartidas por persoas expertas das Forzas e Corpos de Seguridade do Estado e dirixidas ao conxunto da comunidade educativa.
No CPI Pecalama, o pasado martes 18 de xaneiro, todo o alumnado da ESO e o de 5º e 6º de primaria tiveron a oportunidade de participar en cadansúa sesión formativa, da man dun compoñente do corpo da Garda Civil (Óscar Rey), co fin de dotalos das ferramentas necesarias para un manexo adecuado das Tecnoloxías da Información e a Comunicación (no caso do alumnado de Primaria), e de previr as adicións ás drogas e ao alcohol (no caso do de Secundaria).
Facendo clic nas imaxes accederás a velas en grande.