O mércores 29 de novembro, o alumnado de 3º e 4º de E. Primaria realizou un obradoiro de Primeiros Auxilios a cargo dun grupo de enfermeiras do Centro de Saúde Valle-Inclán, dentro do Proxecto da Consellería de Sanidade "Pupas, sustos e outros disgustos", e co obxectivo de empoderar ao nenos e nenas no autocoidado e capacitalos para que saiban como actuar ante unha emerxencia e situacións do día a día: feridas, febre... Ademais de conciencialos da importancia do bo uso dos servizos sanitarios.
Como cada curso, ao chegar estas datas, ábrese o prazo para participar no concurso de Postais de Nadal.
Lembrade poñer nome e curso na parte posterior da tarxeta. Animádevos a participar, estaría ben que o deseño se corresponda coa Liña Temática deste curso "Mendelianos ao rescate", para salvar tanto a nosa Contorna coma o noso Planeta debemos Reciclar, Reducir, Reutilizar, Recuperar e Reparar; ademais de levar unha vida de hábitos Saudables.
O pasado luns, 19 de novembro o alumnado de 4º, 5º e 6º de
E. Primaria recibiron a visita, nas respectivas aulas, do autor do libro "A nena do vestido de flores", Manuel Fontemoura, que a través das súas vivencias e xogos, tentou achegar e concienciar, un pouco máis, ao alumnado á Diversidade Funcional de cada persoa.
Dentro do Programa Vixía, coma cada curso, Félix Estévez, da Concellería de Saúde do Concello de Ourense, o pasado xoves día 23 de novembro, estivo co alumnado de 6º de E. Primaria impartindo unha charla sobre Habilidades Sociais.
