Continuamos coa presentación de diferentes exemplos das actividades que fai o noso alumnado na "aula maker" durante os recreos dos xoves e venres en primaria e de martes a venres en secundaria.
Como xa comentamos, durante os recreos é un espazo de creación, estudo e xogo en liberdade, baixo o coidado dunha profesora de garda (e unha coidadora se hai presenza de alumnado que o necesite). As actividades durante o tempo de lecer non son dirixidas polo profesorado, senón que xorden espontaneamente da rapazada. Esta mesma aula é empregada polo profesorado no tempo lectivo para facer actividades co material do programa Polos Creativos, por exemplo, con actividades reguladas. Pero nos períodos de lecer predomina a liberdade creativa.
A profesora sitúa diferentes recunchos de actividades, variándoos de cando en vez para motivar o xogo; pero o alumnado é libre de coller outro material dos andeis, ou realizar outras actividades non previstas en absoluto.
É un espazo de inclusión e convivencia, onde o alumnado de diferentes cursos interactua e establece ou reforza amizades, onde se traballa a coeducación, e se abre a posibilidade de desenvolver actividades que non teñen cabida no currículo habitual e que contribúen a evitar o abandono escolar.
Aquí vai unha escolma de exemplos.

O día 7 de febreiro de 2024 o alumnado de 3º e 4º de ESO asistiu a segunda parte do programa EDUREFERENTES. Houbo unha charla impartida por mulleres que son referentes nos seus ámbitos de traballo:

- Isabelle Gómez Rodríguez CEO de Traloagro 

- Josi Lage, actriz e docente teatral

O alumnado de cuarto fixo este pequeno libro inspirado no conto It's OK to be different" de Todd Parr. 

Escoitaron na clase o orixinal, relatado pola auxiliar de conversa e tamén unha versión elaborada o curso pasado polo alumnado de quinto.

Finalmente crearon as súas propias páxinas que foron lidas por unha persoa diferente. Esperemos que vos guste.

Este sábado celebrouse o día en contra da violencia de xénero. E nós tamén estivemos traballando nesta temática. Falamos do que é a violencia, que si está ben ou non, de como nos sentimos, do que temos que facer... e chegamos á conclusión de que a Aula de 4 anos non queremos a violenvia.