A semana pasada tivemos outra sesión de lectura en familia. Nesta ocasión veu a familia de Rosalía a ler o conto de LEOTOLDA, e tivemos que ler o conto case ás escuras, por que tiña sorpresas agochadas. Encantounos!!!

O venres 12, alumnado e profesorado do CPI Plurilingüe de Castroverde participamos nunha concentración e lectura dun manifesto en solidariedade co pobo palestino.

OBRADOIRO FRANCÓFONO DE ESCRITURA CREATIVA

TALLER DE ROBÓTICA APLICADA Á AGRICULTURA

CHARLA SOBRE PERUGIA E O ITALIANO

MURAL SOBRE AGRICULTURA EN KENIA

MURAL DA COMIDA DE KENIA

RECUNCHO DA SEMANA DAS CULTURAS NA BIBLIOTECA

A semana pasada celebramos a Semana das Culturas no centro con diferentes iniciativas.
O xoves realizouse un obradoiro francófono de escritura creativa en 2º da ESO coa axuda do alumnado de francés de 4º da ESO. Unha vez deixaron voar a imaxinación, dramatizaron o que crearon. Ese mesmo día tivo lugar unha charla para toda a ESO sobre Perugia, unha cidade italiana, e sobre expresións básicas italianas e xestos italianos.
O venres o alumnado de 3º e 4º da ESO asistiu a un taller de robótica aplicado á agricultura. Para o alumnado de 5º e 6º de primaria tamén tivo lugar a charla sobre Perugia e o italiano.
No comedor degustáronse pratos típicos da cultura india, marroquí e latina.
Na biblioteca adicouse un recuncho á exposición de receitas e linguas do mundo (elaboradas por alumnado de primaria e secundaria) e de festivais e moeda da India. Ademáis, diante da biblioteca pódense ver dous murais sobre a comida e a agricultura en Kenia con palabras en swahili.

Seguimos esta semana degustando comidas doutras  culturas. E esta vez tocoulle ó país africano Mali. Poidemos degustar boliños de coco e uvas pasas que foron un éxito rotundo.

Temos que dar as gracias a Filo polos seus ensaios fóra de horario deste postre ,  e a Pablo e a Maria José  por axudar a elaboralos. Sen eles, que son o personal de cociña do Cpi de Castroverde, non sería posible elaborar todo esto. Moitas gracias por facer estes platos doutras culturas,  pero sobre todo polo que facedes a diario, pola comida tan rica, fresca, e variada que temos todos os días. Pola vosa atención, o cariño co que nos atendedes a todxs, o coidado  que tedes coas intolerancias e menús especiais que hai que facer, esas manzanillas que tedes aí na cociña, (que son milagrosas), porque son capaces de curar calquera doencia, e que saben tan ben.  E tamén queremos ter un especial recordo para Amparo e para Elia, as antigas cociñeiras que fixeron unha labor moi especial con todxs nosoutrxs, e que por diferentes circunstancias xa non están no cole.